Gandhinagar News: હવામાન વિભાગની આગાહી મુજબ રાજ્યમાં આગામી 5 દિવસ સુધી તાપમાન યથાવત્ રહેવાની ધારણા છે. દક્ષિણ-પૂર્વીય પવન ફૂંકાતા રાજ્યમાં ઠંડીનો ચમકારો જોવા મળી રહ્યો છે. અમદાવાદમાં લઘુત્તમ તાપમાન 16 ડિગ્રીથી નીચે જઈ શકે છે.
ગુજરાતના અનેક વિસ્તારોમાં વરસાદની આગાહી
તે જ સમયે, હવામાનશાસ્ત્રી અંબાલાલ પટેલનું અનુમાન છે કે 22 જાન્યુઆરી પછી રાજ્યમાં હવામાન બદલાઈ શકે છે. ગુજરાતના ઘણા વિસ્તારોમાં 22 જાન્યુઆરીથી 24 જાન્યુઆરી સુધી વાદળછાયું વાતાવરણ રહેવાની શક્યતા છે. કેટલાક જિલ્લાઓમાં વરસાદની પણ શક્યતા છે. જેમાં 24 જાન્યુઆરીથી રાજ્યમાં ઠંડા પવનો ફૂંકાય તેવી શક્યતા છે.
રાજ્યમાં કેવું રહેશે હવામાન?
હવામાન વિભાગની આગાહી મુજબ અમરેલી, આણંદ, અરવલ્લી, ગાંધીનગર, રાજકોટ, સાબરકાંઠા, સુરેન્દ્રનગર સહિતના જિલ્લાઓમાં લઘુત્તમ તાપમાન 16 ડિગ્રી રહેવાની શક્યતા છે. ગીર સોમનાથ, નવસારી, વલસાડ સહિતના જિલ્લાઓમાં લઘુત્તમ તાપમાન 19 ડિગ્રી રહેવાની શક્યતા છે. આ ઉપરાંત બનાસકાંઠા, દાહોદ, જામનગર, મહિસાગર, મોરબી, પાટણ, મહેસાણા સહિતના જિલ્લાઓમાં લઘુત્તમ તાપમાન 15 ડિગ્રી રહેવાની શક્યતા છે. ગુજરાત રાજ્યમાં હજુ પણ ઠંડીનું જોર યથાવત રહેશે. ઉત્તર-પૂર્વનો પવન ઠંડો ફૂંકાઈ રહ્યો છે. આ સાથે વેસ્ટર્ન ડિસ્ટર્બન્સના કારણે પવન ફૂંકાઈ રહ્યો છે.
તમામ શહેરનું તાપમાન
ગુજરાતના તમામ શહેરોના તાપમાનની વાત કરીએ તો અમદાવાદમાં 17.5 ડિગ્રી, અમરેલીમાં 15.0 ડિગ્રી, વડોદરામાં 19.2 ડિગ્રી, ભુજમાં 13.2 ડિગ્રી, ડીસામાં 15.4 ડિગ્રી, દીવમાં 15.2 ડિગ્રી, કંડલામાં 15.5 ડિગ્રી, કંડલામાં 105 ડિગ્રી તાપમાન નોંધાયું હતું. નલિયામાં 13.4, પોરબંધમાં 13.4 અને સુરતમાં 18.8 ડિગ્રી નોંધાયું હતું.
આ પણ વાંચો: ઠંડીથી મળશે રાહત, ગુજરાત હવામાન વિભાગની આગાહી
આ પણ વાંચો: શું ગુજરાતના હવામાનમાં ફેરફાર થશે ?, 10 જાન્યુઆરીથી નવી સિસ્ટમનો પ્રભાવ
આ પણ વાંચો: રાજ્યના હવામાનમા આવશે બદલાવ, ઠંડી ઘટશે, છાંટા થવાની શક્યતા
