Cargo Ship Attack: પશ્ચિમ એશિયામાં વધી રહેલા તણાવ વચ્ચે દરિયાઈ માર્ગે વેપાર કરતા જહાજો (Ship) પર જોખમ સતત વધી રહ્યું છે. તાજેતરમાં થાઈલેન્ડના એક વિશાળ કાર્ગો શિપ પર રોકેટ હુમલો થયો હોવાના ચોંકાવનારા સમાચાર સામે આવ્યા છે. આ જહાજ (Ship) થાઈલેન્ડથી ભારત અને ખાસ કરીને ગુજરાતના કંડલા બંદર તરફ આવી રહ્યું હતું. હોર્મુઝની સામુદ્રધુની (Strait of Hormuz) પાસે થયેલા આ હુમલાને કારણે જહાજમાં આગ લાગી ગઈ હતી, જેનાથી આંતરરાષ્ટ્રીય સ્તરે ખળભળાટ મચી ગયો છે. હુમલાની સંપૂર્ણ વિગતો અને વર્તમાન સ્થિતિ.

ગુજરાતના કંડલા બંદર તરફ આવી રહ્યું હતું જહાજ

પ્રાપ્ત માહિતી અનુસાર, થાઈલેન્ડનું આ કાર્ગો શિપ વિવિધ માલસામાન ભરીને ગુજરાતના દરિયાકાંઠે આવેલા કંડલા બંદર પર ઉતરવાનું હતું. આ જહાજ જ્યારે ઓમાન અને ઈરાન વચ્ચેના અત્યંત સંવેદનશીલ એવા ‘હોર્મુઝ જલડમરુમધ્ય’ (Strait of Hormuz) માંથી પસાર થઈ રહ્યું હતું, ત્યારે અચાનક તેના પર રોકેટથી હુમલો કરવામાં આવ્યો હતો. ગુજરાત સાથે સીધો વ્યાપારી સંબંધ હોવાથી આ હુમલાની અસર સ્થાનિક શિપિંગ ઉદ્યોગ પર પણ પડી શકે છે.

રોકેટ હુમલા બાદ Ship માં લાગી આગ

થાઈલેન્ડની રોયલ નેવીએ પુષ્ટિ કરી છે કે જહાજ પર એક કરતા વધુ રોકેટ છોડવામાં આવ્યા હતા. હુમલાને કારણે જહાજના ડેક અને એન્જિન રૂમ પાસે ભીષણ આગ લાગી ગઈ હતી. જહાજ પર સવાર ક્રૂ મેમ્બર્સ દ્વારા તાત્કાલિક આગ કાબૂમાં લેવાના પ્રયાસો હાથ ધરવામાં આવ્યા હતા. સદનસીબે, હજુ સુધી કોઈ જાનહાનિના સમાચાર મળ્યા નથી, પરંતુ જહાજને ભારે નુકસાન પહોંચ્યું છે.

હોર્મુઝની સામુદ્રધુનીમાં વધતો ખતરો

હોર્મુઝની સામુદ્રધુની વિશ્વના તેલ અને ગેસના વેપાર માટે સૌથી મહત્વનો રસ્તો માનવામાં આવે છે. ઈરાન અને અન્ય આરબ દેશો વચ્ચેના તણાવને કારણે આ વિસ્તારમાં અવારનવાર વેપારી જહાજોને નિશાન બનાવવામાં આવે છે. આ હુમલો કોણે કર્યો તે અંગે હજુ સુધી કોઈ સત્તાવાર જવાબદારી સ્વીકારવામાં આવી નથી, પરંતુ શંકાની સોય પ્રદેશમાં સક્રિય બળવાખોર જૂથો કે અસામાજિક તત્વો તરફ છે.

20 ક્રૂ મેમ્બર્સનું સુરક્ષિત રેસ્કયૂ

આ હુમલા બાદ સૌથી રાહતના સમાચાર એ છે કે જહાજમાં લાગેલી ભીષણ આગ છતાં તમામ 20 ક્રૂ મેમ્બર્સને સુરક્ષિત રીતે બહાર કાઢી લેવામાં આવ્યા છે. જહાજમાં જ્યારે આગ અનિયંત્રિત બની ત્યારે ઈમરજન્સી પ્રોટોકોલ હેઠળ તાત્કાલિક રેસ્કયૂ ઓપરેશન હાથ ધરવામાં આવ્યું હતું. આ તમામ લોકોને  અને સ્ટાફને સલામત સ્થળે ખસેડવામાં આવ્યા છે અને હાલમાં તેમની તબીબી તપાસ ચાલી રહી છે. કોઈ પણ વ્યક્તિને ગંભીર ઈજા થઈ હોવાના અહેવાલ નથી, જે એક મોટી રાહતની વાત છે.

આંતરરાષ્ટ્રીય સુરક્ષા એજન્સીઓ એલર્ટ પર

આ હુમલા બાદ થાઈલેન્ડ સરકારની સાથે ભારત અને યુએઈ (UAE) ની સુરક્ષા એજન્સીઓ પણ સતર્ક થઈ ગઈ છે. ભારતીય નૌસેના પણ અરબી સમુદ્રમાં વેપારી જહાજોની (Ship) સુરક્ષા માટે સતત પેટ્રોલિંગ કરી રહી છે. ગુજરાતના બંદરો તરફ આવતા અન્ય જહાજોને પણ સાવચેતી રાખવા અને સંવેદનશીલ વિસ્તારોમાંથી પસાર થતી વખતે સુરક્ષા પ્રોટોકોલનું પાલન કરવા સૂચના આપવામાં આવી છે.

વ્યાપારિક અસરો અને મોંઘવારીનો ડર

જો દરિયાઈ માર્ગો પર આ રીતે હુમલાઓ ચાલુ રહેશે, તો શિપિંગ (Shiping) કંપનીઓ તેમના રૂટ બદલી શકે છે અથવા વીમા પ્રીમિયમમાં વધારો કરી શકે છે. આનાથી ચીજવસ્તુઓના પરિવહન ખર્ચમાં વધારો થશે, જેની સીધી અસર ગ્રાહકોના ખિસ્સા પર પડી શકે છે. ખાસ કરીને ગુજરાતના બંદરો પર આવતા આયાતી માલસામાનની કિંમતોમાં વધારો થવાની શક્યતા સેવાઈ રહી છે.

આ પણ વાંચો: ઈરાની યુદ્ધજહાજ ડૂબ્યું, તેહરાનમાં વિસ્ફોટ અને ડ્રોન હુમલાઓથી તણાવ વધ્યો

આ પણ વાંચો: હિંદ મહાસાગરમાં ફસાયું ઈરાનનું યુદ્ધ જહાજ, શ્રીલંકા પાસે કરી મદદની અપીલ

આ પણ વાંચો: શ્રીલંકા પાસે ઈરાની જહાજ પર અંડરવોટર એટેક, સબમરીન હુમલામાં 101 લોકો લાપતા, 78 ઘાયલ