પોલીસ ગુરુવારે અમેરિકી સંસદ ભવનની લાઇબ્રેરીની બહાર પીકઅપ ટ્રકમાં સંભવિત વિસ્ફોટકોના અહેવાલોની તપાસ કરી રહી છે અને આસપાસની ઇમારતો ખાલી કરાવી દેવામાં આવી છે. કાયદા અમલીકરણ એજન્સીના બે અધિકારીઓએ આ મહત્વની માહિતી એસોસિએટેડ પ્રેસ (એપી) ને આપી છે. સંસદની બહાર વિસ્ફોટકોથી ભરેલી ટ્રકના સમાચાર આવ્યા બાદ સનસનાટી ફેલાઈ ગઈ છે. યુએસ સંસદ ભવનમાં પોલીસે જણાવ્યું હતું કે અધિકારીઓ સંસદની લાઇબ્રેરી પાસે શંકાસ્પદ વાહનની તપાસ કરી રહ્યા છે. આ ઇમારત સંસદ ભવન અને સુપ્રીમ કોર્ટની બાજુમાં છે.
કાયદા અમલીકરણ અધિકારીઓએ જણાવ્યું હતું કે તપાસકર્તા સ્થળ પર છે અને તે શોધવાનો પ્રયાસ કરી રહ્યા છે કે સાધનમાં વિસ્ફોટક હતું કે નહીં. વધુમાં જણાવ્યું હતું કે ઘટનાસ્થળે અમેરિકી સંસદ ની બહાર તપાસકર્તાઓ એ નક્કી કરવા માટે કામ કરી રહ્યા છે કે ઉપકરણ વિસ્ફોટક હતું કે નહીં અને ટ્રકમાં રહેલી વ્યક્તિ પાસે ડિટોનેટર હતું કે નહીં. અધિકારીના જણાવ્યા અનુસાર પોલીસે અમેરિકી સંસદ બહાર સ્નાઈપર્સ મોકલ્યા છે. પોલીસ વાહનો અને બેરીકેડ દ્વારા વિસ્તારને કોર્ડન કરવામાં આવ્યો છે. વ્હાઇટ હાઉસે કહ્યું કે તે પરિસ્થિતિ પર નજર રાખી રહ્યું છે.
વિસ્ફોટકોની માહિતી મળ્યા બાદ સમગ્ર વિસ્તારને પોલીસની ગાડીઓ અને બેરિકેડથી બ્લોક કરી દેવામાં આવ્યા છે. આ સિવાય ઘણી ફાયર ટ્રક અને એમ્બ્યુલન્સ પણ ત્યાં તૈનાત કરવામાં આવી છે. ઉલ્લેખનીય છે કે થોડા મહિના પહેલા જ વોશિંગ્ટનમાં ડેમોક્રેટિક નેશનલ કમિટી અને રિપબ્લિકન નેશનલ કમિટીના હેડક્વાર્ટર પર એક પાઇપ બોમ્બ મળી આવ્યો હતો. આના એક દિવસ પહેલા ટ્રમ્પના હજારો સમર્થકોએ પણ જાન્યુઆરી મહિનામાં અમેરિકાની રાજધાનીમાં પ્રદર્શન કર્યું હતું.
સંબોધન / ભારતના વિદેશમંત્રી જયશંકરે UNCSમાં શું કહ્યું જાણો..
ગોળીબાર / કાશ્મીરમાં આતંકવાદીઓએ અપની પાર્ટીના નેતા પર ગોળીબાર કરતાં તેમનું સારવાર દરમિયાન મોત
