શું તમે ક્યારેય વિચાર્યું છે કે બાલ્કનીમાં કપડાં સૂકવવાથી પણ દંડ થઈ શકે છે. અલબત્ત ભારતમાં તે અશક્ય લાગે છે, પરંતુ દુબઈમાં તે થવા જઈ રહ્યું છે. દુબઈ નગરપાલિકાએ શહેરને સ્વચ્છ રાખવા માટે ઘણા કાયદાઓ બનાવ્યા છે. એવું નક્કી કરવામાં આવ્યું છે કે જો કોઈ વ્યક્તિ તેની બાલ્કનીમાં કપડાં સુકવે છે, તો તેને દંડ કરવામાં આવશે. આ સાથે કેટલાક વધુ કડક કાયદા પણ બનાવવામાં આવ્યા છે, ચાલો જાણીએ.
દુબઈ મ્યુનિસિપાલિટીના આ નિર્ણય બાદ જો કોઈ બાલ્કનીમાં કપડા સુકવતો જોવા મળશે તો તેની પાસેથી 500 થી 1500 દિરહામ એટલે કે 10 થી 30 હજાર રૂપિયાનો દંડ વસૂલવામાં આવશે. આ સંદર્ભે દુબઈ નગરપાલિકાએ પણ એક ટ્વિટ કરીને લોકોને નિયમોનું પાલન કરવાની અપીલ કરી છે.
In line with #DubaiMunicipality’s keenness to raise the community’s awareness of the requirements and standards for a sustainable environment, it urges all UAE residents to avoid distorting the city’s general aesthetic and civilised appearance. pic.twitter.com/PmQRs7iJL8
— بلدية دبي | Dubai Municipality (@DMunicipality) December 27, 2021
દુબઈ મ્યુનિસિપાલિટીએ એક ટ્વિટમાં લોકોને તેમની બાલ્કનીનો દુરુપયોગ ન કરવા અને તેમની બાલ્કની ખરાબ લાગે તેવું કંઈપણ ન કરવા જણાવ્યું છે. આ ટ્વીટમાં અન્ય નિયમોની સાથે દંડની પણ વાત કરવામાં આવી છે.
દૂબઈ મ્યુનિસિપાલિટીએ ટ્વીટ કરીને આ નિયમની સાથે-સાથે અન્ય કેટલીક બાબતો વિશે પણ જણાવ્યું છે, જેના પર પ્રતિબંધ રહેશે અને હવે તેનું ઉલ્લંઘન કરવા પર દંડ ભરવો પડશે.
- બાલ્કની અથવા બારી પર કપડાં સૂકવવા.
- જો સિગારેટની રાખ બાલ્કનીમાંથી નીચે પડે છે, તો દંડ લાદવામાં આવશે.
- બાલ્કનીમાંથી કચરો ફેંકવા પર પણ પ્રતિબંધ મુકવામાં આવ્યો છે.
- બાલ્કની ધોતી વખતે પાણી નીચે પડે તો દંડ ભરવો પડશે.
- એસીમાંથી પાણી ટપકવા બદલ દંડ પણ વસૂલવામાં આવશે.
- બાલ્કનીમાંથી પક્ષીઓને ખવડાવવાની પણ મનાઈ રહેશે.
- બાલ્કનીમાં કોઈપણ એન્ટેના કે ડીશ લગાવવા પર પ્રતિબંધ છે.
