કોરોના વાયરસના નવા પ્રકાર ઓમિક્રોનના ખતરાને જોતા વડાપ્રધાન મોદીની UAE અને કુવૈતની મુલાકાત હાલ પુરતી મુલતવી રાખવામાં આવી છે.આ પ્રવાસ કોરોનાના વધતા સંક્રમણના લીધે રદ કરવામાં આવી છે.
ઉલ્લેખનીય છે કે વડાપ્રધાન નરેન્દ્ર મોદી આગામી મહિનાના પ્રથમ સપ્તાહમાં સંયુક્ત આરબ અમીરાત (UAE)ની મુલાકાત લે તેવી શક્યતા હતી , જે 2022માં તેમની પ્રથમ વિદેશ યાત્રા હશે. આની જાણકારી ધરાવતા લોકોએ કહ્યું કે બંને પક્ષો 6 જાન્યુઆરીની આસપાસ પ્રવાસનો કાર્યક્રમ નક્કી કરવા વિચારી રહ્યા છે, પરંતુ હજુ સુધી તારીખ નક્કી કરવામાં આવી નથી.પરતું હવે વધતા કોરોનાના કેસના લીધે આ યાત્રા રદ કરવામાં આવી છે.
નોંધનીય છે કે જો વિદેશી પ્રવાસ રદ થયું ન હોત તો આ પ્રવાસના ક્રાર્યક્રમ આ પ્રમાણે હોત,વડા પ્રધાનની વ્યૂહાત્મક રીતે મહત્વપૂર્ણ ગલ્ફ કન્ટ્રીની પ્રસ્તાવિત મુલાકાત એવા સમયે આવી શકે છે જ્યારે બંને દેશો તેમના રાજદ્વારી સંબંધોના 50 વર્ષ પૂર્ણ કરી રહ્યા છે. મોદી આ દરમિયાન દુબઈ એક્સપોની મુલાકાત પણ લઈ શકે છે. ભારત અને સંયુક્ત આરબ અમીરાત આર્થિક સંબંધોને વધુ મજબૂત કરવા માટે વ્યાપક મુક્ત વેપાર કરાર પર વાટાઘાટો કરી રહ્યા છે અને આ મુલાકાત આ વિષય પર આગળ વધે તેવી શક્યતા છે.
ભારત અને સંયુક્ત આરબ અમીરાત તાજેતરમાં ચાર દેશોના નવા જૂથમાં જોડાયા છે જે વેપાર અને રોકાણ સાથે સંબંધિત વિષયો પર ધ્યાન કેન્દ્રિત કરી શકે છે. જૂથના અન્ય બે સભ્યો યુએસ અને ઇઝરાયેલ છે. 2015માં મોદીની UAEની મુલાકાત બાદ બંને દેશો વચ્ચેના સંબંધોમાં નોંધપાત્ર પ્રગતિ જોવા મળી હતી અને તેને ભાગીદારીમાં નવા યુગની શરૂઆત તરીકે જોવામાં આવે છે.
