ગુજરાતના બાળક ધૈર્યરાજને જન્મની સાથે અસાધ્ય બીમારી હતી એવામાં 16 કરોડનું ઇન્જેકશન આપવું જરૂરી હતું, પરંતુ મધ્યમ વર્ગના માતા-પિતા માટે આ એક સ્વપ્ન બરાબર હતું ત્યારે ગુજરાતની જનતાએ ખૂબ જ ટૂંકા ગાળામાં 15.50 ભંડોળ એકત્ર કરી અને સૌને આશ્ચર્યચકિત કરી દીધા છે, હવે માત્ર 50 લાખની રાશિ એકત્ર કરવાની બાકી છે. આવું જ્યારે થાય છે ત્યારે આપણા દેશની સંસ્કૃતિ અને લોકોના સંસ્કાર પર આપણને ગર્વ કરવાનું મન થાય છે. તાજેતરની આ ઘટનાના કારણે એક વર્ષ પહેલા બનેલી સત્ય ઘટના યાદ આવે છે કે જે સાંભળી સૌ કોઈ એમ જ કહેશે કે “It’s happen only in India..”ગયા વર્ષે  કોરોનાકાળના સમય ગાળામાં, ઇંદોરના લોકોએ શહેરની હદ પસાર કરતા અન્ય રાજ્યોના લોકો સમક્ષ શહેરનું નામ રોશન કરવામાં મદદ કરી હતી.

વિધાનસભા ચૂંટણી / બંગાળ સહિત પાંચ રાજયોની ચૂંટણીના પ્રચાર પડઘમ શાંત, કાલે મતદાન

આ વખતે ઈન્દોરની માતાઓએ એક નિર્દોષ વ્યક્તિ પર પોતાનો પ્રેમ દર્શાવ્યો છે. દોઢ મહિના પહેલા દુબઇથી ઈન્દોર આવેલી નેહા મહેતા કોરોનાને ચેપ લાગ્યો હતો. આ દરમિયાન તેણે એક બાળકીને જન્મ આપ્યો હતો. નેહાના ફેફસામાં 95 ટકા કોરોના સંક્રમણ લાગવાના કારણે નેહાને આઈસીયુમાં તેની નવજાત બાળકી ‘રિયાના’ ને તેની માતાથી દૂર રાખવી પડી હતી. આવી સ્થિતિમાં, આશરે 25 માતાઓ આગળ આવી હતી અને બાળકી માટે દરરોજ પોતાનું દૂધ ઉપલબ્ધ કરાવ્યું હતું એટલું જ નહીં તે હજી પણ તેની સંભાળ લઈ રહી છે.

મહારાષ્ટ્ર / મુંબઈમાં લોકડાઉનનો ડર એકવાર ફરી પ્રવાસી મજૂરોમાં મળ્યો જોવા, પરત ફરી રહ્યા છે ઘરે

એક મહિના પહેલા વલ્લભ નગરમાં રહેતી નેહા ગર્ભાવસ્થા દરમિયાન દુબઈથી ઈન્દોર ગઈ હતી. અહીં તેને કોરોના સંક્રમણ લાગુ પડ્યું હતું તેને અરવિંદો હોસ્પિટલમાં દાખલ કરવામાં આવી હતી. સારવાર દરમિયાન, તેણે ગર્ભાવસ્થાના સાતમા મહિનામાં બાળકીને જન્મ આપ્યો હતો..અકાળ જન્મના કારણે તેની નવજાત બાળકીને 25 દિવસ સુધી આઈ.સી.યુ.માં રાખવી પડી હતી.. ડોક્ટરોએ કહ્યું કે બાળકી માટે માતાનું દૂધ જરૂરી છે, પરંતુ ‘રિયાના’ માતાનું દૂધ મેળવી શકતી ન હતી. આ સમયે શહેરની 25 થી વધુ માતાઓએ આગળ આવીને બાળકીને પોતાનું દૂધ પહોંચાડ્યું હતું. આજે પણ ચાર-પાંચ માતા દરરોજ દૂધ પહોંચાડે છે.

આકરા પ્રત્યાઘાત / કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી ચીનના દલાલ છે તેને ભારત છોડી ચીનમાં સ્થાયી થવું જોઈએ : વિનય કટિયાર

ઇન્સ્ટાગ્રામ પર મદદ માંગવામાં આવી હતી

બાળકીની માસી અદિતિ મહેતા કહે છે કે ડોક્ટરોએ ‘રિયાના’ ને દૂધ આપવાની ના પાડી હતી. બહેનની ચેપને લીધે બાળકને ખવડાવવું શક્ય નહોતું. આવી સ્થિતિમાં, મેં ઇન્સ્ટાગ્રામ પર પોસ્ટ કર્યું, નિકિતા જૈનનો સંપર્ક કર્યો હતો., જે લૈકટીશિયનિષ્ટ છે તેના પ્રયત્નોથી અમને 25 થી વધુ મહિલાઓ મળી હતી.

શરૂઆતમાં પંપ દ્વારા નેહાનું દૂધ પીવડાવવામાં આવ્યું

હોસ્પિટલના નિયોનેટોલોજિસ્ટ ડો.ગૌરવ મોગરાના જણાવ્યા મુજબ, જન્મ સમયે, બાળકનું વજન એક કિલો 450 ગ્રામ હતું. તે આઈસીયુમાં 23 દિવસ રોકાઈ હતી. તેને જન્મ પછી બે-ત્રણ દિવસ ઓક્સિજનની જરૂર હતી. માતાની હાલત સારી નહોતી. શરૂઆતમાં પંપ દ્વારા નેહાનું દૂધ કાઢીને યુવતીને બોટલમાંથી પીવડાવવામાં આવ્યું હતું. બાદમાં અન્ય માતાઓ દ્વારા દૂધ આપવાનું શરૂ થયું. 24 માર્ચે માતા અને બાળકને હોસ્પિટલમાંથી રજા આપવામાં આવી હતી. હવે બાળકનું વજન બે કિલો થઈ ગયું હતું.

મહિલાની હાલત ગંભીર હતી

શ્વસન રોગ વિશેષજ્ઞ ડો..રવિ ડોસીના જણાવ્યા મુજબ દુબઈના કોરોનાના સ્ટ્રેન થી સંક્રમિત મહિલાના ફેફસાંના 95% સંક્રમણ લાગુ પડ્યું હતું . મહિલાની હાલત એટલી ગંભીર હતી કે તેને વેન્ટિલેટર પર બેસાડવામાં આવી હતી. એક મહિનાની સારવાર બાદ નેહા સ્વસ્થ થઈ.

હું ઈંદોરની મદદ ક્યારેય નહીં ભૂલીશ. – નેહા મહેતા

ઇન્દોરની મદદ ભુલાશે નહીં, હોસ્પિટલના ડોકટરો, ખાસ કરીને રેડિયોલોજીસ્ટ ડો.કૃતી જૈન અને અન્ય સ્ટાફે મારી ખાસ કાળજી લીધી. હું શહેરની 25 માતાઓને પણ આભાર માનું છું કે જેમણે મારી પુત્રીને દૂધ આપ્યું. હું ઈંદોરની મદદ ક્યારેય નહીં ભૂલીશ. – નેહા મહેતા

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…