Gujarat Women Special: ગુજરાતમાં મહિલાઓના સમગ્રતયા સન્માન-ગૌરવ માટે રાજ્ય સરકાર સંકલ્પબદ્ધ છે. આ સંદર્ભમાં ભૂપેન્દ્ર પટેલે જણાવ્યું કે, આંતરરાષ્ટ્રીય મહિલા દિવસની ઉજવણી માત્ર એક દિવસ પૂરતી કરીને નહીં, પરંતુ સમગ્ર વર્ષ દરમિયાન હંમેશાં માતા-બહેનો, નારી શક્તિનું સન્માન જાળવવા આપણે પ્રતિબદ્ધ છીએ.
ભૂપેન્દ્ર પટેલ ગાંધીનગરમાં આંતરરાષ્ટ્રીય મહિલા દિવસની રાજ્યકક્ષાની ઉજવણી અવસરે સંબોધન કરી રહ્યા હતા. તેમણે કહ્યું કે PM મોદીએ નારીને શક્તિસ્વરૂપા કહી છે. આપણે પણ એ શક્તિસ્વરૂપાનું, તેના કાર્યનું હંમેશા આદર્શ સન્માન કરતા રહ્યા છીએ એમ તેમણે જણાવ્યું હતું. હર હાથ કો કામ, હર કામ કા સન્માનના મંત્ર સાથે માતા-બહેનોના કાર્ય પ્રદાનને રોજિંદા જીવનમાં પણ સન્માનવા નું તેમણે આહવાન કર્યું હતું. CM એ બનાસકાંઠાની મહિલા પશુપાલકોએ દૂધ ઉત્પાદન ક્ષેત્રે જે આગવી સિદ્ધિઓ મેળવી છે તેનો ગૌરવસહ વિશેષ ઉલ્લેખ કર્યો હતો.
તેમણે કહ્યું કે રાજ્ય સરકારે PM મોદીના દિશાદર્શનમાં મહિલા કલ્યાણ માટેની બહુવિધ યોજનાઓ અમલમાં મૂકી છે. એટલું જ નહીં, સશક્ત સમાજના નિર્માણ માટે સશક્ત મહિલાના કાર્ય મંત્ર સાથે મહિલા કલ્યાણ માટે આ વર્ષના બજેટમાં 6064 કરોડ રૂપિયા ફાળવ્યા છે. જે ગયા વર્ષના બજેટ કરતા 23% વધારે છે. આઝાદીનો અમૃત મહોત્સવ ઉજવીને આપણે PM મોદીના માર્ગદર્શનમાં અમૃતકાળમાં પ્રવેશ્યા છીએ ત્યારે આ અમૃતકાળ મહિલાઓના સર્વાંગી વિકાસ અને કલ્યાણનો પણ અમૃતકાળ બનાવવા સૌ સહિયારા પ્રયાસો કરીએ તે આવશ્યક છે.
આંતરરાષ્ટ્રીય મહિલા દિવસ અંતર્ગત રાજ્ય સરકારના મહિલા અને બાળ વિકાસ વિભાગ દ્વારા તા. 5 માર્ચના રોજ CM ભૂપેન્દ્ર પટેલના અધ્યક્ષસ્થાને ગુજરાત નેશનલ લૉ યુનિવર્સિટી, ગાંધીનગર ખાતે રાજ્ય સ્તરીય મહિલા સંમેલનનું આયોજન કરવામાં આવ્યું હતું. આ પ્રસંગે મહિલા અને બાળ વિકાસ મંત્રી ભાનુબેન બાબરીયાએ જણાવ્યું હતું કે, સમાજમાં મહિલાઓ, ગૌરવભેર જીવન જીવી શકે, દિન પ્રતદિન પ્તેમનું ગૌરવ વધે, અને તેમના પ્રત્યે સમાજમાં કુરીવાજો, અન્યાય, અત્યાચાર, દુર થાય અને તેમને રક્ષણ મળી રહે, સમાજમાં સમરસ વાતાવરણ બને, દરેક ક્ષેત્રે મહિલાઓ આગળ વધે તે માટે ગુજરાત સરકાર કટીબદ્ધ છે.
ભાનુબેન બાબરીયાએ જણાવ્યું કે, સામાજીક સમરસતાના હિમાયતી PM મોદીની પ્રેરણાથી શરૂ થયેલું બેટી બચાવો, બેટી–પઢાવો અભિયાન દીકરીઓના શિક્ષણ માટેનું જન અભિયાન બની ગયું છે. CM ભૂપેન્દ્ર પટેલના સફળ, નિણાર્યક અને પારદશર્ક નેતૃત્વ હેઠળ ગુજરાત રાજ્યે મહિલાના જીવનચક્રના દરેક તબક્કે સાથે રહી મહિલાની જરૂરીયાત અનુસાર આવશ્યક સેવાઓ અને મદદ પૂરી પાડી રાજ્યની દરેક દીકરી, યુવતી કે મહિલાના સર્વાંગી વિકાસ માટે અનેક પહેલ હાથ ધરી છે.
આ અવસરે રાજ્યની મહિલા ઉદ્યમીઓ દ્વારા શરૂ કરાયેલ સ્ટાર્ટઅપ તથા મહિલા આંત્રપ્રિનિયોરને પ્રોત્સાહન આપવા ૦૩ મહિલા ઉદ્યમીઓનું આ કાર્યક્રમમાં સન્માન કરી તેમને બિરદાવવામાં આવી હતી. મુખ્યમંત્રીના હસ્તે દિકરીને અન્નપ્રાશન કરાવામાં આવ્યું હતું. ઉપરાંત જામનગર અને સાબરકાંઠા જિલ્લાના સખી વન સ્ટોપ સેન્ટરનું ઈ-લોકાર્પણ, સ્વેયસેવી સંસ્થા અને મહિલા કાર્યકર્તાને ગુજરાત મહિલા વિકાસ એવોર્ડની સન્માનિત કરાયા હતા. આ સાથે 15 મુખ્ય સેવિકા અને આંગણવાડી તેડાગર બહેનોને માતા યશોદા એવોર્ડ એનાયત કરવામાં આવ્યા હતા. આ ઉપરાંત 181 અભયમ હેલ્પલાઈનની શોર્ટ ફિલ્મનું અનાવરણ, વ્હાલી દીકરી યોજનાના લાભાર્થીને ચેક વિતરણ, નિર્ભયા ફંડ હેઠળ 181 અભયમ્ હેલ્પલાઈનને 12 ઈનોવા વાહનોનું લોકાર્પણ, ગંગા સ્વરૂપા પુન:લગ્ન આર્થિક સહાય યોજનાના લાભાર્થીને ચેક વિતરણ, મહિલા સ્વાવલંબન યોજનાના લાભાર્થીઓને ચેક વિતરણ, તથા પ્રધાનમંત્રી રાષ્ટ્રીય બાલ પુરસ્કાર 2022 ના વિજેતા અન્વી ઝાંઝરુકિયાનું સન્માન જેવા નારી શકિત નો મહિમા કરતા કાર્યક્રમો પણ યોજાયા હતા.
આ પ્રસંગે ગાંધીનગરના મેયર હિતેષ મકવાણા, જિલ્લા પંચાયત પ્રમુખ દિલીપ પટેલ, સાંસદ રમીલાબેન બારા, ઘારાસભ્ય સર્વે રીટા પટેલ, દર્શના વાઘેલા, કંચન રાદડિયા અને અલ્પેશ ઠાકોર સહિત મહાનુભાવો, વિભાગના ઉચ્ચ અધિકારીઓ પણ ઉપસ્થિત રહ્યા હતા.
આ પણ વાંચો: Hit And Run/ BMW હિટ એન્ડ રનના આરોપી સત્યમ શર્માની ધરપકડ, રાજસ્થાનથી ઝડપાયો
આ પણ વાંચો: Brain Eating Amiba/ બ્રેઈન ઈટિંગ અમીબાથી અમેરિકામાં પહેલું મોત, લોકોમાં ગભરાટ, જાણો કેટલું ખતરનાક છે
આ પણ વાંચો: Cricket/ અમદાવાદ ટેસ્ટમાં ટીમ ઈન્ડિયાની મુશ્કેલી ફરી વધશે
