આજે સપ્તાહનો પ્રથમ દિવસ શેરબજાર માટે મિશ્ર રહ્યો. આજના કારોબારમાં દિવસભરની વધઘટ બાદ બજાર લાલ નિશાનમાં બંધ થયું. વહેલી સવારે બજાર જોરદાર ખુલ્યું હતું. પરંતુ રોકાણકારો દ્વારા પ્રોફિટ બુકિંગના કારણે બપોર બાદ બજારમાં ભારે ઘટાડો જોવા મળ્યો હતો. આજના કારોબારના અંતે BSE સેન્સેક્સ 354 પોઈન્ટના ઘટાડા સાથે 71,731 પોઈન્ટ અને નેશનલ સ્ટોક એક્સચેન્જનો નિફ્ટી 82 પોઈન્ટના ઘટાડા સાથે 21,771 પોઈન્ટ પર બંધ રહ્યો હતો.
આજના કારોબારમાં ઓટો, ફાર્મા, મેટલ્સ, એનર્જી, રિયલ એસ્ટેટ, હેલ્થકેર, ઓઈલ એન્ડ ગેસ સેક્ટરના શેરો ઉછાળા સાથે બંધ થયા છે. પરંતુ બેન્કિંગ, આઈટી, કન્ઝ્યુમર ડ્યુરેબલ્સ, ફાઈનાન્સિયલ સેક્ટર, ઈન્ફ્રા, એફએમસીજી સેક્ટરના શેર્સ ઘટાડા સાથે બંધ થયા છે. આજના કારોબારમાં મિડ કેપ શેરોમાં પણ ઘટાડો જોવા મળ્યો છે. જ્યારે સ્મોલ કેપ શેરોમાં ખરીદી જોવા મળી હતી, જેના કારણે નિફ્ટી સ્મોલ કેપ ઈન્ડેક્સ ઉછાળા સાથે બંધ થયો હતો.
ભારતીય શેરબજારમાં તીવ્ર ઘટાડા છતાં ફાર્મા શેરોમાં વધારાને કારણે BSE પર લિસ્ટેડ કંપનીઓના માર્કેટ કેપમાં કોઈ ફેરફાર થયો નથી. BSE પર લિસ્ટેડ કંપનીઓનું માર્કેટ કેપિટલાઇઝેશન રેકોર્ડ રૂ. 382.67 લાખ કરોડ પર બંધ થયું છે, જે અગાઉના સત્રમાં રૂ. 382.74 લાખ કરોડ હતું. મતલબ કે આજના વેપારમાં રોકાણકારોની સંપત્તિમાં રૂ. 7000 કરોડનો ઘટાડો થયો છે.
આજના ટ્રેડિંગમાં ટાટા મોટર્સ 6.33 ટકા, પાવર ગ્રીડ 3.79 ટકા, ટાટા સ્ટીલ 2.81 ટકા, સન ફાર્મા 2.75 ટકા, NTPC 2.24 ટકાના વધારા સાથે બંધ થયા છે. જ્યારે ભારતી એરટેલ 2.69 ટકા, બજાજ ફાઇનાન્સ 1.78 ટકા, બજાજ ફિનસર્વ 1.47 ટકાના ઘટાડા સાથે બંધ રહ્યો હતો.
આ પણ વાંચો:uttarpradesh/ગોવિંદ દેવ ગિરી મહારાજ ‘અયોધ્યા, કાશી અને મથુરા’ના મંદિરને લઈને આપ્યું મોટું નિવેદન, મુસ્લિમ પક્ષકારોને શાંતિથી ઉકેલ લાવવા કરી અપીલ
આ પણ વાંચો:jairam ramesh/જ્યારે નીતિશને ફ્લોર ટેસ્ટ માટે 12 દિવસનો સમય મળ્યો, તો સોરેનને માત્ર 3 દિવસ કેમ મળ્યા? કોંગ્રેસે સવાલો ઉઠાવ્યા હતા
આ પણ વાંચો:Prime Minister Narendra Modi/PM મોદી આજે લોકસભામાં રાષ્ટ્રપતિના અભિભાષણ પર આભાર પ્રસ્તાવનો જવાબ આપશે, જુઓ ગૃહની કારોબારી યાદી
