ઉત્તરપ્રદેશમાં અયોધ્યાના રામ મંદિર અને જ્ઞાનવાપી અને શ્રી કૃષ્ણજન્મભૂમિને લઈને મુસ્લિમ પક્ષ અને હિંદુ પક્ષ વચ્ચે વિવાદ જોવા મળ્યો. શ્રી કૃષ્ણજન્મભૂમિ વિવાદને લઈને મુસ્લિમ પક્ષકારો પર નિશાન સાધતા ગોવિંદ દેવ ગિરી મહારાજે મોટું નિવેદન આપ્યું છે. ગોવિંદ દેવ ગિરી મહારાજે કહ્યું કે જે રીતે બાબરી મસ્જિદ અને રામ મંદિરનો ઉકેલ શાંતિપૂર્ણ થયો તેવી જ રીતે તમામના પ્રયાસથી અન્ય મુદ્દાઓનો ઉકેલ આવી શકે છે.
ગોવિંદ દેવ ગિરી મહારાજે કહ્યું કે મુસ્લિમ સમુદાયના લોકો કાશી અને મથુરાના શાંતિપૂર્ણ ઉકેલ માટે તૈયાર છે, પરંતુ કેટલાક કથિત હિત ધરાવતા લોકો તેનો વિરોધ કરી રહ્યા છે. અમે પરિસ્થિતિ અનુસાર આગળનું પગલું લઈશું અને તેમને મનાવવાનો પૂરો પ્રયાસ કરીશું.
અયોધ્યામાં બાબરી મસ્જિદ અને રામ જન્મભૂમિ વિવાદનો શાંતિપૂર્ણ ઉકેલ આવતા 22 જાન્યુઆરીના રોજ રામલલાની પ્રાણ પ્રતિષ્ઠા કરવામાં આવી. રામ મંદિર બાદ જ્ઞાનવાપી વિવાદમાં પણ હિન્દુ પક્ષની જીત થયા બાદ મુસ્લિમ પક્ષકારોમાં મથુરા શ્રી કૃષ્ણજન્મભૂમિને લઈને વધુ રોષ જોવા મળ્યો. મુસ્લિમ સમાજમાં ઠેર-ઠેર એવા આક્ષેપો થઈ રહ્યા છે કે હિંદુઓ દેશની તમામ મસ્જિદ તોડીને મંદિર બનાવશે. આ મુદ્દાને લઈને કેટલાક મુસ્લિમ આગેવાનો દ્વારા ભડકાઉ ભાષણો આપ્યા હોવાનું પણ સામે આવ્યું છે.
ઉત્તર પ્રદેશના અયોધ્યામાં શ્રી રામ મંદિરના અભિષેક બાદ જ્ઞાનવાપી અને શ્રી કૃષ્ણ જન્મભૂમિની માંગ વધવા લાગી છે. શ્રી રામ જન્મભૂમિ ટ્રસ્ટના ખજાનચી સ્વામી ગોવિંદ દેવ ગિરી મહારાજે કાશી અને મથુરાને લઈને મોટું નિવેદન આપ્યું છે . તેમણે કહ્યું કે હિંદુઓ અયોધ્યા, કાશી અને મથુરા મંદિરો આઝાદ થયા બાદ આક્રમણકારો દ્વારા નષ્ટ કરાયેલા અન્ય મંદિરો સાથે સંબંધિત મુદ્દાઓ ભૂલી જશે.
મીડિયા સાથે વાત કરતી વખતે સ્વામી ગોવિંદ દેવ ગિરી મહારાજે કહ્યું કે અમે હાથ જોડીને પ્રાર્થના કરીએ છીએ કે આ ત્રણ મંદિરો (અયોધ્યા, જ્ઞાનવાપી અને કૃષ્ણ જન્મભૂમિ) સોંપવામાં આવે, કારણ કે તે આક્રમણકારો દ્વારા અમારા પર થયેલા હુમલાના સૌથી મોટા નિશાન છે. જેના કારણે રાષ્ટ્રીય સમાજના અંતરાત્મામાં ઘણી પીડા છે. જો આ લોકો આ દુઃખને શાંતિથી દૂર કરશે તો ભાઈચારો વધુ વધશે. તેમણે વધુમાં કહ્યું કે મેં પહેલા જ કહ્યું હતું કે હિંદુઓ માટે આ ત્રણ મંદિરો મહત્વના છે. અમે અન્ય મંદિરો પર ધ્યાન આપવા માંગતા નથી. આપણે ભૂતકાળમાં નહીં, ભવિષ્યમાં જીવવાનું છે. દેશનું ભવિષ્ય સારું હોવું જોઈએ. જો આપણે આ ત્રણ મંદિરોના વિવાદમાં પ્રેમથી ઉકેલ શોધીશું તો જરૂર મળી રહેશે. અન્ય કોઈ મંદિરને લઈને આ પ્રકારનો વિવાદ જોવા નહી મળે.
ગોવિંદ દેવ ગિરી મહારાજે કહ્યું કે જે રીતે રામ મંદિરનો ઉકેલ શાંતિપૂર્ણ રીતે મળી આવ્યો છે, તેવી જ રીતે અમે આશા રાખીએ છીએ કે અન્ય મુદ્દાઓનો પણ ઉકેલ આવશે. તેમણે કહ્યું કે મુસ્લિમ સમુદાયના લોકો કાશી અને મથુરાના શાંતિપૂર્ણ ઉકેલ માટે તૈયાર છે, પરંતુ કેટલાક લોકો તેનો વિરોધ કરી રહ્યા છે. અમે પરિસ્થિતિ અનુસાર આગળનું પગલું લઈશું અને તેમને મનાવવાનો પૂરો પ્રયાસ કરીશું.
આ પણ વાંચો :leamon/આ લીંબુની કિંમત સાંભળીને તમે ચોંકી જશો…. જાણો શું છે તેનું મહત્વ
આ પણ વાંચો :Guinness World Records/મહિલાએ પોતાના નામે કર્યો અનોખો વર્લ્ડ રેકોર્ડ, જાણો એવું તો શું કર્યું….
આ પણ વાંચો :હવાઈ હુમલો/અમેરિકાએ સતત બીજા દિવસે ઈરાક અને સીરિયામાં કર્યો હુમલો, હવાઈ હુમલામાં 40 લોકોના મોત
