એક દંતકથા અનુસાર, એક સમયે ઋષિ શ્રીંગી ભક્તોને દર્શન આપી રહ્યા હતા. અચાનક એક મહિલા ભીડમાંથી બહાર આવી અને વળીને ઋષિ શ્રીંગીને કહ્યું કે મારા પતિ હંમેશાં દુર્વ્યસનથી ઘેરાયેલા રહે છે, જેના કારણે હું કોઈ પૂજા નથી કરી શકતી.  અને ધર્મ અને ભક્તિને લગતા પવિત્ર કાર્યોમાં ભાગ પણ નથી લઇ શકતી. ઋષિ મુનિને જળ પણ અર્પણ નથી કરી શકતી.

મારો પતિ માંસાહારી છે, જુગારી છે, પરંતુ હું માતા દુર્ગાની સેવા કરવા માંગુ છું. તેમની ભક્તિ દ્વારા તેને અને મારા પારિવારિક જીવનને સફળ બનાવવા માંગુ છું. ઋષિ શ્રીંગી સ્ત્રીની ભક્તિથી ખૂબ પ્રભાવિત થયા. ઋષીએ આદરપૂર્વક સ્ત્રીને કહ્યું કે, સામાન્ય લોકો વાસંતિક અને શારદીય  નવરાત્રથી પરિચિત છે, પરંતુ આ ઉપરાંત 2 વધુ નવરાત્રી પણ છે જેને ‘ગુપ્ત નવરાત્રી’ કહેવામાં આવે છે.

તેમણે કહ્યું કે, પ્રગટ નવરાત્રોમાં 9 દેવીઓની પૂજા કરવામાં આવે છે અને ગુપ્ત નવરાત્રોમાં 10 મહાવિદ્યાઓની પૂજા કરવામાં આવે છે. આ નવરાત્રોની મુખ્ય દેવીનું નામ સર્વેશ્વર્યકારિણી દેવી છે. આ ગુપ્ત નવરાત્રી દરમિયાન જો કોઈ ભક્ત માતા દુર્ગાની પૂજા કરે છે, તો માતા તેના જીવનને સફળ બનાવે છે.

ઋષિ શ્રીંગીએ વધુમાં જણાવ્યું હતું કે, લોભી, કામી, વ્યસની, માંસાહારી અથવા ગમેતેવો આસ્તિક ગુપ્ત નવરાત્રોમાં માતાની પૂજા કરી શકે, તો જીવનમાં બીજું કંઈ કરવાની જરૂર નથી. આ મહિલાએ ગુપ્ત નવરાત્રિની પૂજા ઋષિ શ્રૃંગિના જણાવ્યા અનુસાર કરી હતી. માતા તેનાથી ખુશ થયા અને સ્ત્રીનું જીવન બદલાવા લાગ્યું. તેના ઘરે સુખ અને શાંતિ હતી. ખોટા રસ્તે ચાલતો પતિ સાચો રસ્તો અનુસર્યો. ગુપ્ત નવરાત્રીની માતાની ઉપાસના કરતાં, તેનું જીવન ફરી ખીલ્યું.

મંતવ્ય ન્યૂઝ દ્વારા જાહેર અપીલ –

નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…