IPL Mega Auction: ગુજરાતી હર્ષલ પટેલને IPLમાં લોટરી લાગી ગઈ છે. હર્ષલ પટેલ જે 2024 IPL નો ભાગ હતો, તે પણ 2025 IPL માં રમતા જોવા મળશે. સાઉદી અરેબિયામાં ચાલી રહેલી IPL 2025 મેગા ઓક્શનમાં સનરાઇઝર્સ હૈદરાબાદે હર્ષલ પટેલને 8 કરોડ રૂપિયામાં ખરીદ્યો છે. આ ફાસ્ટ બોલરે પોતાની કિલર બોલિંગથી IPL સ્ટેજ પર પોતાની છાપ છોડી છે. આ લીગમાં તેના જોરદાર પ્રદર્શનના કારણે તે ટીમ ઈન્ડિયામાં પણ જગ્યા બનાવવામાં સફળ રહ્યો હતો.
હર્ષલને ખરીદવા માટે બોલી
હર્ષલને ખરીદવા માટે ગુજરાત ટાઇટન્સ અને સનરાઇઝર્સ હૈદરાબાદ વચ્ચે બોલી લાગી હતી. હર્ષલ માટે શરૂઆતમાં 6.75 કરોડ રૂપિયાની બોલી લગાવવામાં આવી હતી. ગુજરાત ટાઇટન્સે 6.75 કરોડ રૂપિયાની બોલી લગાવીને તેને લેવાનો પૂરતો પ્રયાસ કર્યો, પરંતુ આ દરમિયાન પંજાબ કિંગ્સે પણ RTM કાર્ડનો ઉપયોગ કરીને તેને ટીમમાં લેવાનો પ્રયાસ કર્યો, પરંતુ અંતે સનરાઇઝર્સે 8 કરોડ રૂપિયાની સટ્ટો રમીને જીત મેળવી.
પંજાબ કિંગ્સનો હિસ્સો
ભારતીય ફાસ્ટ બોલર હર્ષલ પટેલે પોતાની ફાસ્ટ બોલિંગથી દર્શકોને પ્રભાવિત કર્યા છે. જો કે, આઈપીએલ 2024માં તેનું પ્રદર્શન સારું નહોતું જેના કારણે પ્રીતિ ઝિન્ટાની માલિકીની પંજાબ કિંગ્સે તેને છોડવાનો નિર્ણય લીધો હતો. ગત સિઝનમાં તે વિકેટ લેવા માટે સંઘર્ષ કરતો જોવા મળ્યો હતો. IPL 2024 પહેલા હર્ષલ પટેલ રોયલ ચેલેન્જર્સ બેંગ્લોરનો ભાગ હતો. IPL 2023માં તેના ફ્લોપ પ્રદર્શનને કારણે RCBએ પણ તેને રિલીઝ કરી દીધો.
12 વર્ષ
હર્ષલ પટેલ છેલ્લા 12 વર્ષથી IPLનો ભાગ છે. તેણે IPL 2012માં રોયલ ચેલેન્જર્સ બેંગ્લોર તરફથી ડેબ્યૂ કર્યું હતું. પરંતુ આ સિઝનમાં તે સારું પ્રદર્શન કરી શક્યો નહોતો. આ હોવા છતાં, ફ્રેન્ચાઇઝીએ તેના પર વિશ્વાસ કર્યો અને તેને પાંચ સીઝન સુધી પોતાની સાથે રાખ્યો. સતત ખરાબ પ્રદર્શનને કારણે, તેણે RCBથી અલગ થઈ ગયો હતો અને બાદમાં તેને દિલ્હી કેપિટલ્સે ખરીદ્યો હતો. આ ટીમ માટે ત્રણ સીઝન રમ્યા બાદ તે બેંગ્લોર પાછો ફર્યો. તે 2021 થી 2023 દરમિયાન આરસીબીની જર્સીમાં જોવા મળ્યો હતો. હર્ષલ પટેલની આઈપીએલ કારકિર્દીની વાત કરીએ તો તેણે 106 મેચની 103 ઈનિંગ્સમાં 135 વિકેટ ઝડપી છે.
કોણ છે હર્ષલ પટેલ?
હર્ષલ પટેલ અમદાવાદ જિલ્લાના સાણંદનો રહેવાસી છે. તેમનો જન્મ 23 નવેમ્બર 1990ના રોજ સાણંદમાં થયો હતો. તેની માતાનું નામ દર્શના પટેલ અને પિતાનું નામ વિક્રમ પટેલ છે.
આ પણ વાંચો: ક્રિકેટર હાર્દિક પંડ્યા જીવનના મુશ્કેલ સમયમાં, MI કેપ્ટન તરીકે થયો ફલોપ અને લગ્નજીવનમાં પણ સર્જાઈ મુશ્કેલી
આ પણ વાંચો: સનરાઇઝર્સ હૈદરાબાદનો રાજસ્થાનને 36 રને હરાવી ફાઇનલમાં પ્રવેશ
આ પણ વાંચો: શું પંજાબ કિંગ્સ આગામી સિઝનમાં શિખર ધવનને રિટેન નહીં કરે? સ્ટાર બેટ્સમેને કહ્યું ક્યારે લેશે સંન્યાસ?
