સૌન્દર્ય અને ગ્લેમર ક્ષેત્રે ભારતે આંતરરાષ્ટ્રીય સ્થાન સ્થાપિત કર્યું જ છે. ભારતની નારીઓ ઘણી વખત મિસ વર્લ્ડ અને મિસ યુનિવર્સનો ખિતાબ જીતી ચૂકી છે. આપણી બોલિવુડ એક્ટ્રેસનો ક્રેઇઝ ન ફક્ત ભારતમાં પણ વિદેશમાં પણ અફલાતુન છે.પરંતુ આપણા દેશની મહિલાઓની સુંદરતા ફક્ત આ એટલે કે મિસ વર્લ્ડ અને મિસ યુનિવર્સનાં ટાઇટલ સુધી મર્યાદિત નથી, આઝાદીની ચળવળથી આજનાં રાજકારણ સુધીમાં પણ તેમનું સારું યોગદાન છે. બ્રેઇન વિથ બ્યુટીએ ભારતનાં રાજકારણમાં પણ પોતાનાં ઉંડા મૂળ રોપ્યા જ છે. પરંતુ શુ તમે ઓળખો છો કે કોણ છે, અત્યારનાં સમયનાં ભારતના સૌથી સુંદર મહિલા રાજકારણી, નહીં તો ચાલો જાણીએ આવા મોહક મહિલા રાજકારણીઓ વિશે….

1. નુસરત જહાં

નુસરત જહાં એક અત્યંત ગ્લેમરસ ભારતીય ફિલ્મ અભિનેત્રી અને રાજકારણી છે. તેણે બંગાળી સિનેમામાં પોતાનું વિશેષ સ્થાન બનાવ્યું છે. તેનો જન્મ 8 જાન્યુઆરી 1990 ના રોજ કોલકાતામાં થયો હતો. તેમણે ભવાનીપુર એજ્યુકેશન સોસાયટી કોલેજમાંથી શિક્ષણ પૂરું કર્યું. 2019 માં, તેમણે સક્રિય રાજકારણમાં ઝંપલાવી સાહસ ખેડ્યું અને બસીરહાટથી તૃણમૂલ કોંગ્રેસના ઉમેદવાર તરીકે ચૂંટણી લડ્યા હતા. નુસરત જહાંને 2011 માં રાજ ચક્રવર્તીની ફિલ્મ શોત્રુથી ડેબ્યૂ કર્યું હતું. તેની આગામી ફિલ્મ ખોકા 420 હતી. તેણે 2019 માં નિખિલ જૈન સાથે લગ્ન કર્યાં.

2. દિવ્ય સ્પંદન(રમ્યા)

ખૂબ જ સુંદર દેખાતા દિવ્યા સ્પંદનાને ફિલ્મ જગતમાં લોકો રમ્યા તરીકે ઓળખવામાં આવે છે. તે દક્ષિણ ભારતની જાણીતી અભિનેત્રી છે જેણે કન્નડ ફિલ્મો તેમજ તમિલ અને તેલુગુ ભાષાની ફિલ્મોમાં અભિનય કર્યો છે. તેનો જન્મ 29 નવેમ્બર 1982 માં બેંગલુરુમાં થયો હતો. તેમની પહેલી ફિલ્મ કન્નડ ફિલ્મ ‘મુસાંજાઇમાતુ’ હતી, જે વર્ષ 2008 માં રિલીઝ થઈ હતી. આ ફિલ્મ ખૂબ જ સફળ રહી હતી. રમ્યાએ કર્ણાટકના માંડ્યા મત વિસ્તારમાંથી પેટા-ચૂંટણી જીતીને 2013 માં ભારતીય રાષ્ટ્રીય કોંગ્રેસના સભ્ય તરીકે રાજકારણમાં પ્રવેશ કર્યો હતો.

3. અલકા લાંબા

અલકા લાંબા તેની તેજસ્વી તસવીર ઉપરાંત તેની સુંદરતા અને સૌમ્યતા માટે પણ જાણીતી છે. માત્ર 19 વર્ષની ઉંમરે, તેઓ કોંગ્રેસના વિદ્યાર્થી સંઘ NSUI માં જોડાયા. યુવા સશક્તિકરણના ઉદ્દેશથી તેમણે ‘ગો ઇન્ડિયા ફાઉન્ડેશન’ નામે એક એનજીઓ શરૂ કર્યું. 20 વર્ષથી વધુ સમય કોંગ્રેસ સાથે જોડાયેલા રહ્યા પછી, તેણી આમ આદમી પાર્ટીમાં જોડાયા અને ફેબ્રુઆરી 2015 માં ચાંદની ચોકથી દિલ્હી વિધાનસભામાં ચૂંટાયા.

4. અંગૂરલતા દેકા

અંગૂરલતા દેકા એક મોડેલ અને અભિનેત્રી તેમજ ભારતીય જનતા પાર્ટીના સુંદર નેતા છે. તેમણે મુખ્યત્વે બંગાળી અને આસામી ફિલ્મોમાં કામ કર્યું છે. વળી, તેણી ફિલ્મનું નિર્દેશન પણ કરે છે. તે વર્ષ 2016 થી આસામના બટડ્રોબા મત વિસ્તારમાંથી ભારતીય જનતા પાર્ટીની ધારાસભ્ય છે.

5. ડિમ્પલ યાદવ

ખૂબ જ નમ્ર અને હંમેશાં સાડીઓમાં જોવા મળે છે, ડિમ્પલ યાદવ એક ઉદાર અને ગ્લેમરસ રાજનેતા છે. તે કન્નૌજથી બે વખત સમાજવાદી પાર્ટીનાં સાંસદ રહી ચૂક્યા છે. તેઓ યાદવ રાજકીય ઘરાણાના પુત્ર વધુ છે. અને તેણીનાં પતિ અખિલેશ યાદવ અને સસરા મુલાયમસિંહ યાદવ ઉત્તર પ્રદેશના મુખ્ય પ્રધાન રહી ચૂક્યા છે.

6. ગુલ પનાગ

ગુલ પનાગ ભૂતપૂર્વ બ્યુટી ક્વીન, ભારતીય અભિનેત્રી અને રાજકારણી છે. તેમણે 2003 માં આવેલી ફિલ્મ ધૂપથી બોલિવૂડમાં એન્ટ્રી કરી હતી. તેણે ઘણી ફિલ્મો અને ટીવી સિરિયલોમાં કામ કર્યું છે. તેમણે 2014 ની લોકસભાની ચૂંટણી ચંદીગઢથી આમ આદમી પાર્ટીના ઉમેદવાર તરીકે લડ્યા હતા.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…