Breaking News: ભારતના વિદેશ મંત્રી એસ. જયશંકરની (Jaishankar ) લંડન મુલાકાત દરમિયાન ખાલિસ્તાની સમર્થકોએ હંગામો મચાવ્યો હતો. મામલો ત્યારે વણસી ગયો જ્યારે એક બદમાશ તેના કાફલાની કાર તરફ દોડ્યો અને ભારતીય ત્રિરંગો ફાડી નાખ્યો. આ ઘટના પોલીસ અધિકારીઓની સામે બની, જેના કારણે સુરક્ષાને લઈને સવાલો ઉભા થયા છે. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં જોઈ શકાય છે કે પોલીસ શરૂઆતમાં નિષ્ક્રિય દેખાઈ હતી, પરંતુ બાદમાં દેખાવકારોને કસ્ટડીમાં લેવામાં આવ્યા હતા.
આ દરમિયાન ખાલિસ્તાની સમર્થકોએ ચાથમ હાઉસની બહાર નારા લગાવ્યા અને પ્રદર્શન કર્યું.
તમને જણાવી દઈએ કે, એસ. જયશંકર 4 થી 9 માર્ચ સુધી UKની સત્તાવાર મુલાકાતે છે. આ પહેલા તેમણે બ્રિટિશ વિદેશ મંત્રી ડેવિડ લેમી સાથે ઘણા દ્વિપક્ષીય મુદ્દાઓ પર ચર્ચા કરી હતી, જેમાં વ્યૂહાત્મક સહયોગ, વેપાર વાટાઘાટો, શિક્ષણ, ટેકનોલોજી અને પરસ્પર સંબંધો પર ચર્ચા થઈ હતી. ચથમ હાઉસ ખાતે ચર્ચા દરમિયાન એસ. જયશંકરને કાશ્મીર મુદ્દે પ્રશ્ન પૂછવામાં આવ્યો હતો કે શું વડાપ્રધાન નરેન્દ્ર મોદી અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પની મધ્યસ્થી પહેલનો લાભ લેશે?
Khalistani elements attempted to attack and insult @DrSJaishankar by desecrating the Indian flag on British soil. This is a serious concern and raises questions about security lapses in London. #London #Khalistani @PMOIndia @HMOIndia @metpoliceuk @HCI_London pic.twitter.com/NUqR5d6Z7r
— Gayatri 🇬🇧🇮🇳(BharatKiBeti) (@changu311) March 5, 2025
તેના પર જયશંકરે સ્પષ્ટ કહ્યું કે ભારતને કોઈ ત્રીજા પક્ષની જરૂર નથી. તેમણે કહ્યું કે ભારતે અનુચ્છેદ 370 હટાવીને, આર્થિક વિકાસ અને ચૂંટણીઓનું સફળ સંચાલન કરીને પોતાની ભૂમિકા ભજવી છે.
કાશ્મીર મુદ્દે જયશંકરે બેફામ શબ્દોમાં કહ્યું
તેમણે વધુમાં કહ્યું કે વાસ્તવિક મુદ્દો પાકિસ્તાનના ગેરકાયદેસર કબજા હેઠળના કાશ્મીર (PoK)ને પરત લેવાનો છે. તેમણે સ્પષ્ટ શબ્દોમાં કહ્યું, “જે દિવસે આપણે ચોરાયેલું કાશ્મીર પાછું મેળવીશું, આ મુદ્દો સંપૂર્ણ રીતે ઉકેલાઈ જશે.”
આ પણ વાંચો: વિદેશ મંત્રી એસ જયશંકર આજે અમેરિકા જવા રવાના થશે
આ પણ વાંચો:શ્રીલંકાના રાષ્ટ્રપતિ દિસાનાયકે વિદેશ મંત્રી એસ જયશંકરને મળ્યા, આજે પીએમ મોદી સાથે વાત કરશે
