Haryana News: હરિયાણાના ઝજ્જરમાં દાદરી ટોલ પાસે બસ અને ટ્રક વચ્ચે થયેલી ટક્કરમાં 40 થી વધુ લોકો ઘાયલ થયા છે.
પ્રાથમિક માહિતી મુજબ, બસમાં કુલ 52 મુસાફરો સવાર હતા. આ અકસ્માતનું મુખ્ય કારણ ટ્રક ડ્રાઈવરની બેદરકારી માનવામાં આવી રહી છે. ટ્રક ચાલક ડિવાઈડર પરથી ઉતરી ગયો હતો અને પરિણામે બસ સાથે સીધી ટક્કર થઈ. અથડામણ એટલી જોરદાર હતી કે બસનું આગળનું ભાગ સંપૂર્ણપણે ચૂરચૂર થઈ ગયું.
ઘાયલોમાંથી પાંચ લોકોની હાલત અત્યંત ગંભીર હોવાનું જણાવાયું છે. તેને તાત્કાલિક PGI રોહતક રિફર કરવામાં આવ્યા છે, જ્યારે અન્ય ઘાયલોને ઝજ્જર અને નજીકના હોસ્પિટલો ખાતે સારવાર આપવામાં આવી રહી છે. સ્થાનિક લોકો અને પોલીસની મદદથી ઘાયલોને હોસ્પિટલ પહોંચાડવામાં આવ્યા.
અકસ્માત બાદ સ્થળ પર અફરાતફરી મચી ગઈ હતી. અનેક મુસાફરો બસમાં ફસાઈ ગયા હતા, જેને બહાર કાઢવા માટે ક્રેન અને કટર મશીનોની મદદ લેવાઈ.
આ ઘટના બાદ ટ્રક ડ્રાઈવર સામે કેસ દાખલ કરવામાં આવ્યો છે. પ્રાથમિક તપાસમાં બહાર આવ્યું છે કે ડ્રાઈવરે ઓવરસ્પીડ અને લાપરવાહીથી વાહન ચલાવ્યું હતું. પોલીસ દ્વારા વધુ તપાસ શરૂ કરવામાં આવી છે.
આ પણ વાંચો:દિલ્હી-NCRમાં ભારે વરસાદની ચેતવણી, IMDએ યલો એલર્ટ જારી કર્યું
આ પણ વાંચો:વરસાદ વચ્ચે વડોદરાના શેરી ગરબા સદાબહાર, પરંપરાગત ભક્તિભાવથી ઉજવાઈ આઠમની રાત…
આ પણ વાંચો:તમિલનાડુમાં કપ સિરપ પર લાગ્યો પ્રતિબંધ, રાજસ્થાનમાં ડ્રગ કંટ્રોલરને સસ્પેન્ડ, કફ સિરપ કેસમાં શું…..
