યુએસ પ્રમુખ ડોનાલ્ડ ટ્રમ્પનું વહીવટીતંત્ર હવે H-1B વિઝા નીતિમાં મોટા ફેરફારો કરવાની તૈયારી કરી રહ્યું છે. જેમાં નવી નીતિ હેઠળ, વિદેશી કુશળ કામદારોને અમેરિકન કામદારોને હાઇ-ટેક નોકરીઓમાં તાલીમ આપવા માટે અસ્થાયી રૂપે યુએસમાં આમંત્રિત કરવામાં આવશે, અને પછી તેમના વતન પાછા ફરવું પડશે. યુએસ ટ્રેઝરી સેક્રેટરી સ્કોટ બેસન્ટે જણાવ્યું હતું કે આ નીતિ ટ્રમ્પના મોટા અભિયાનનો એક ભાગ છે જેના દ્વારા તેઓ મહત્વપૂર્ણ ઉદ્યોગોને અમેરિકામાં પાછા લાવવા અને આયાત પર નિર્ભરતા ઘટાડવા માંગે છે.
અમેરિકાનું ‘નોલેજ ટ્રાન્સફર’ મોડેલ
એક અહેવાલ મુજબ જણાવ્યું “રાષ્ટ્રપતિનું વિઝન સ્થાનિક કામદારોને તાલીમ આપવા માટે વિદેશી નિષ્ણાતોને ત્રણ, પાંચ કે સાત વર્ષ માટે યુનાઇટેડ સ્ટેટ્સમાં લાવવાનું છે. પછી તેઓ પોતાના વતન પાછા જવુ પડશે. અને અમેરિકન કામદારો કાર્યભાર સંભાળશે.” તેમણે આને જ્ઞાન ટ્રાન્સફર વ્યૂહરચના તરીકે વર્ણવ્યું. આ વ્યૂહરચના હેઠળ, યુએસ સરકાર સેમિકન્ડક્ટર, શિપબિલ્ડીંગ અને પ્રિસિઝન મેન્યુફેક્ચરિંગ જેવા ઉદ્યોગોને પુનર્જીવિત કરવાની યોજના પર કામ કરી રહી છે.
આગળ તેમણે કહ્યું, “છેલ્લા 20-30 વર્ષોમાં, આપણે સ્થાનિક સ્તરે ચોકસાઇ ઉત્પાદન કે જહાજ નિર્માણ જેવા કામો કર્યા નથી. હવે આપણે અચાનક એમ ન કહી શકીએ કે બધું રાતોરાત બની જશે. આપણને કુશળ વિદેશી નિષ્ણાતોની જરૂર છે જે અમેરિકનોને શીખવી શકે.”
આ પણ વાંચો: સીરિયા ISIS સામે અમેરિકા સાથે જોડાશે, વ્હાઇટ હાઉસમાં સીરિયાના રાષ્ટ્રપતિ અલ-શારાએ ટ્રમ્પની લીધી મુલાકાત
આ પણ વાંચો: અમેરિકામાં અભ્યાસ કરતા લોકો માટે ખરાબ સમાચાર!સમાપ્ત થઈ શકે છે OPT પ્રોગ્રામ,નહીં મળે નોકરી
