શિવસેના અને ભારતીય જનતા પાર્ટી (BJP) વચ્ચે ચાલી રહેલી ખેંચતાણને કારણે મહારાષ્ટ્રના મુખ્ય પ્રધાન ઉદ્ધવ ઠાકરેએ રવિવારે મુંબઈમાં વડા પ્રધાન નરેન્દ્ર મોદીનો કાર્યક્રમ ટાળ્યો હતો. આ કાર્યક્રમમાં મોદીને પહેલો લતા દીનાનાથ મંગેશકર એવોર્ડ આપવામાં આવ્યો હતો. ઠાકરે અને તેમના પરિવારના સભ્યો 80 વર્ષીય ચંદ્રભાગા શિંદેને મળ્યા હતા.
શિવસેનાના કાર્યકરો દ્વારા અપક્ષ સાંસદ નવનીત રાણા અને તેમના ધારાસભ્ય પતિ રવિ રાણા સામે વિરોધ પ્રદર્શન કર્યા બાદ ચંદ્રભાગા એક દિવસ પહેલા જ ચર્ચામાં આવી હતી. મહારાષ્ટ્રના મંત્રી અને રાષ્ટ્રવાદી કોંગ્રેસ પાર્ટીના નેતા જીતેન્દ્ર આવ્હાડે લતા દીનાનાથ મંગેશકર એવોર્ડ સમારોહ માટે આમંત્રણ પત્ર ટ્વિટ કર્યું, જેમાં ઉદ્ધવ ઠાકરેનું નામ ન હતું.
આવ્હાડે ટ્વીટ કર્યું, ‘મંગેશકર પરિવારે લતા મંગેશકર એવોર્ડ સમારોહના આમંત્રણ પત્રમાં મુખ્યમંત્રીના નામનો ઉલ્લેખ કરવાનું ટાળ્યું. તેમની ભૂમિકા અગમ્ય છે.
