મણિપુર વિધાનસભા ચૂંટણી પહેલા ભાજપને મોટો ઝટકો લાગ્યો છે. ગત વખતે ચૂંટણી જીતેલા ધારાસભ્ય પી.સરચંદ્ર સોમવારે કોંગ્રેસમાં જોડાયા હતા. બીજેપીએ તેમને ટિકિટ ન આપી, ત્યારપછી તેમણે આ નિર્ણય લીધો છે. તેમની સાથે ભાજપના વરિષ્ઠ નેતા એન બીરેન અને એન જોયકુમાર પણ કોંગ્રેસમાં જોડાયા હતા. ચૂંટણી માટે ઉમેદવારોની જાહેરાત કરતી વખતે ભાજપે દાવો કર્યો હતો કે પાર્ટીમાં બધુ બરાબર છે, પરંતુ સ્થિતિ અલગ જોવા મળી રહી છે.
મોઇરાંગ બેઠકનું પ્રતિનિધિત્વ કરતા સરતચંદ્રએ ભાજપ પર જૂના લોકોને બદલે નવા લોકોને પ્રાધાન્ય આપવાનો આરોપ લગાવ્યો હતો. તેઓ સ્પષ્ટપણે એમ પૃથ્વીરાજનો ઉલ્લેખ કરી રહ્યા હતા, જેઓ ગયા વર્ષે કોંગ્રેસમાંથી ભાજપમાં આવ્યા હતા અને તેમને મોઇરાંગથી ભાજપ દ્વારા ટિકિટ આપવામાં આવી હતી. પૃથ્વીરાજ ગત ચૂંટણીમાં સરચંદ્ર સામે 400થી ઓછા મતથી હારી ગયા હતા. પૂર્વ મંત્રીઓ બિરેન અને જોયકુમારે પણ ટિકિટ ન મળતાં ભાજપ છોડી દીધું હતું. મણિપુરમાં 60 વિધાનસભા બેઠકો માટે બે તબક્કામાં 27 ફેબ્રુઆરી અને 3 માર્ચે ચૂંટણી યોજાશે. જ્યારે પરિણામ 10 માર્ચે આવશે.
