પશ્વિમ બંગાળમાં શુક્રવારે બે પૂર્વ ભાજપ નેતાઓ દ્વારા પયગંબર મોહમ્મદ વિશે કરવામાં આવેલી ટિપ્પણીના વિરોધમાં ઉગ્ર હંગામો થયો હતો. હાવડામાં પ્રદર્શનકારીઓએ પોલીસ વાન અને પોલીસ બૂથને આગચાંપી દીધી હતી. હાવડા જિલ્લામાં સેંકડો પ્રદર્શનકારીઓએ રસ્તા રોકી દીધા. મળતી માહિતી મુજબ ધુલાગઢ, પંચલા અને ઉલુબેરિયામાં પ્રદર્શનકારીઓની પોલીસ સાથે અથડામણ થઈ હતી. પ્રદર્શનકારીઓએ નેશનલ હાઈવે 6 ને બ્લોક કરવાનો પ્રયાસ કર્યો હતો. જ્યારે પોલીસકર્મીઓ તેને ખોલવા પહોંચ્યા તો તેઓ મારપીટ કરવા લાગ્યા. સ્થળ પર હાજર પ્રદર્શનકારીઓએ માંગ કરી હતી કે તેમની ધાર્મિક લાગણીઓને ઠેસ પહોંચાડનારી ટિપ્પણી બદલ ભાજપના બે ભૂતપૂર્વ નેતાઓની તાત્કાલિક ધરપકડ કરવામાં આવે.
ધુલાગઢ અને પંચલામાં ભીડને વિખેરવા માટે પોલીસે લાઠીચાર્જ કરવો પડ્યો હતો, એક પોલીસ અધિકારીએ જણાવ્યું હતું. જેના જવાબમાં દેખાવકારોએ પથ્થરમારો કર્યો હતો. નજીકમાં પાર્ક કરેલી કારને નુકસાન થયું હતું. દક્ષિણ પૂર્વીય રેલ્વેના એક અધિકારીએ જણાવ્યું હતું કે વિરોધીઓએ હાવડા-ખડગપુર સેક્શન પર ફુલેશ્વર અને ચેંગેલ સ્ટેશનો વચ્ચે બપોરે 1:22 વાગ્યે ટ્રેકને પણ બ્લોક કરી દીધો હતો.
ભાજપના સસ્પેન્ડેડ નેતા નુપુર શર્મા અને હાંકી કાઢવામાં આવેલા નેતા નવીન જિંદાલના વિવાદાસ્પદ નિવેદન સામે લોકોએ હાવડા-ખડગપુર રેલ રૂટ પરના દાસનગર રેલવે સ્ટેશન પર વિરોધ પ્રદર્શન કર્યું હતું. હાવડા-ખડગપુર રેલ માર્ગ પર ચાલી રહેલા વિરોધને કારણે સંતરાગાચી રેલ્વે સ્ટેશન પર મુસાફરોને મુશ્કેલીનો સામનો કરવો પડી રહ્યો છે. ત્રણ દિવસ ઈન્ટરનેટ બંધ રહેશે નૂપુર શર્મા વિરુદ્ધ હિંસક વિરોધને જોતા, હાવડા જિલ્લામાં ત્રણ દિવસ માટે ઇન્ટરનેટ સસ્પેન્ડ કરવામાં આવ્યું છે. માહિતી અનુસાર, આ પ્રતિબંધ 13 જૂને સવારે 6 વાગ્યા સુધી અમલમાં રહેશે.
