Sports News : ભારતીય ક્રિકેટના દિગ્ગજ વિરાટ કોહલીએ 2027ના વર્લ્ડ કપને લઈને મોટો ખુલાસો કર્યો છે. Virat Kohliએ સ્પષ્ટ કર્યું છે કે દક્ષિણ આફ્રિકા, ઝિમ્બાબ્વે અને નામિબિયામાં યોજાનારો 2027નો ODI વર્લ્ડ કપ ભારત તરફથી તેમનો છેલ્લો વર્લ્ડ કપ હશે.

2027 World Cup Virat Kohliનો છેલ્લો વર્લ્ડ કપ

JioStarને આપેલા ઈન્ટરવ્યૂમાં વિરાટ કોહલીએ 50 ઓવરના વર્લ્ડ કપ (World Cup)અંગે પોતાના વિચારો રજૂ કર્યા હતા. તેમણે જણાવ્યું કે ભારત તરફથી રમવાનો 2027નો વર્લ્ડ કપ તેમનો છેલ્લો હશે અને આ જ વાત તેમને મેદાન પર પોતાનું સર્વસ્વ આપવા માટે પ્રેરિત કરે છે. કોહલીએ વર્લ્ડ કપ જીતવા માટે જરૂરી તમામ પ્રયાસ કરવાની તૈયારી દર્શાવી છે.

2027નો ICC મેન્સ ક્રિકેટ વર્લ્ડ કપ દક્ષિણ આફ્રિકા (South Africa), ઝિમ્બાબ્વે અને નામિબિયા (Namibia)માં યોજાવાનો છે. આ ટૂર્નામેન્ટ માટે ભારતની આગામી ODI સિરીઝને પણ તૈયારીના મહત્વના તબક્કા તરીકે જોવામાં આવી રહી છે.

10 મેચ સુધી સતત પ્રદર્શન પડકારજનક

વિરાટ કોહલીએ 50 ઓવરના ફોર્મેટની મુશ્કેલીઓ અંગે પણ વાત કરી હતી. મોટી ટુર્નામેન્ટ દરમિયાન સતત મેચોમાં શારીરિક અને માનસિક સ્તર જાળવી રાખવું પડકારજનક હોય છે. ખાસ કરીને વિદેશી પરિસ્થિતિમાં લાંબી ટુર્નામેન્ટ રમતી વખતે ખેલાડીઓની ફિટનેસ અને સતત પ્રદર્શન મહત્વનું બની જાય છે.

કોહલી અગાઉ પણ 2027 વર્લ્ડ કપમાં રમવાની પોતાની ઇચ્છા સ્પષ્ટ કરી ચૂક્યા છે. મે 2026માં ICCએ પણ તેમના નિવેદનને ટાંકીને જણાવ્યું હતું કે તેઓ 2027 વર્લ્ડ કપ માટે સંપૂર્ણપણે પ્રતિબદ્ધ છે.

વર્લ્ડ કપમાં કોહલીનો શાનદાર રેકોર્ડ

વિરાટ કોહલીનો World Cup Record પણ શાનદાર રહ્યો છે. અત્યાર સુધીની વર્લ્ડ કપ મેચોમાં તેમણે 1,795 રન બનાવ્યા છે અને તેમના નામે પાંચ સદી નોંધાયેલી છે. ICCના રેકોર્ડ મુજબ કોહલી 2027 વર્લ્ડ કપ પહેલાં ચાર વર્લ્ડ કપમાં ભારતનું પ્રતિનિધિત્વ કરી ચૂક્યા છે.

કોહલીએ ટેસ્ટ અને T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી છે અને હાલમાં ભારત (India)માટે ODI ક્રિકેટમાં રમે છે. તેથી 2027નો વર્લ્ડ કપ તેમની આંતરરાષ્ટ્રીય કારકિર્દીના મહત્વના તબક્કા તરીકે જોવામાં આવી રહ્યો છે.

રોહિત શર્માની નજર પણ 2027 વર્લ્ડ કપ પર

બીજી તરફ રોહિત શર્માએ પણ પોતાના ક્રિકેટ ભવિષ્ય અંગે વાત કરી છે. JioStar સાથેની વાતચીતમાં રોહિતે કહ્યું કે જ્યાં સુધી તેઓ ક્રિકેટ રમી રહ્યા છે ત્યાં સુધી તેમની સામે હંમેશા નવો પડકાર રહેશે અને તેઓ વર્લ્ડ કપ તરફ જોઈ રહ્યા છે.

ભારતની આગામી ODI સિરીઝો 2027 વર્લ્ડ કપની તૈયારી માટે મહત્વપૂર્ણ બનવાની છે. JioStarના જણાવ્યા મુજબ વેસ્ટ ઈન્ડિઝ, શ્રીલંકા અને ઝિમ્બાબ્વે સામેની ODI સિરીઝો વર્લ્ડ કપની તૈયારીના મહત્વના તબક્કા રહેશે.

આ પણ વાંચો: Virat Kohli એ ફ્લોપ ઇનિંગ્સમાં પણ રચ્યો ઇતિહાસ, 300મી ODI ઇનિંગમાં તોડ્યો સચિન તેંડુલકરનો મોટો રેકોર્ડ

આ પણ વાંચો: Virat Kohli આંતરરરાષ્ટ્રીય ક્રિકેટમાં સૌથી વધુ રન બનાવનારામાં બીજા ક્રમે

આ પણ વાંચો: Virat Kohliના ફિટનેસને લઈ Anushka Sharmaએ ઉજાગર કર્યુ રહસ્ય, રોજ સવારે આ કામ અવશ્ય કરે છે