Virat Kohli on Top 10: ટીમ ઈન્ડિયાનો સ્ટાર બેટ્સમેન વિરાટ કોહલી ફરી ટોપ બેટ્સમેનોમાં સામેલ થઈ ગયો છે. વિરાટને ICCની તાજેતરની રેન્કિંગમાં પાંચ સ્થાનનો ફાયદો થયો છે. વિરાટ હવે નવમા સ્થાને આવી ગયો છે. જ્યારે સૂર્યકુમાર યાદવે એક સ્થાન ગુમાવ્યું છે. હવે તે ત્રીજા સ્થાને સરકી ગયો છે. ન્યૂઝીલેન્ડના ડેવોન કોનવેએ ઓસ્ટ્રેલિયા સામે 92 રનની શાનદાર ઇનિંગ રમી હતી અને તે બીજા સ્થાને આવી ગયો છે. પાકિસ્તાનનો મોહમ્મદ રિઝવાન પ્રથમ સ્થાને યથાવત છે.
વિરાટે પાકિસ્તાન સામે 53 બોલમાં અણનમ 82 રન બનાવ્યા હતા. આ ઇનિંગમાં તેણે છ ચોગ્ગા અને ચાર છગ્ગા ફટકાર્યા હતા. વિરાટની આ જોરદાર ઇનિંગના કારણે ભારતે પાકિસ્તાનને ચાર વિકેટે હરાવ્યું હતું. કોહલીને આ ઇનિંગનો ફાયદો ICC રેન્કિંગમાં મળ્યો છે અને તે ટોપ-10 બેટ્સમેનોમાં પાછો ફર્યો છે. જ્યારે સૂર્યકુમાર યાદવ આ મેચમાં નિષ્ફળ રહ્યો હતો. તેણે 10 બોલમાં 15 રન બનાવ્યા અને હવે તે ત્રીજા સ્થાને સરકી ગયો છે. ઓસ્ટ્રેલિયા સામે અણનમ 92 રન બનાવી ન્યુઝીલેન્ડને જીત તરફ દોરી જનાર ડેવોન કોનવેને ત્રણ સ્થાનનો ફાયદો થયો છે અને તે બીજા સ્થાને છે. કોનવે પાસે રિઝવાનની જગ્યાએ ટોચના T20 બેટ્સમેન તરીકેની તક પણ છે. કોનવેના 831 રેટિંગ પોઈન્ટ છે જ્યારે નંબર વન મોહમ્મદ રિઝવાનના 849 રેટિંગ પોઈન્ટ છે. કોનવેએ ફિન એલન સાથે મળીને ન્યૂઝીલેન્ડને શાનદાર શરૂઆત અપાવી અને તેના કારણે ન્યૂઝીલેન્ડની ટીમ યજમાન ઓસ્ટ્રેલિયાને હરાવવામાં સફળ રહી.
જણાવી દઈએ કે કોનવેએ ભારતના સૂર્યકુમાર યાદવ, પાકિસ્તાનના બાબર આઝમ અને દક્ષિણ આફ્રિકાના એડન માર્કરામને પાછળ છોડી દીધા છે. હવે તે મોહમ્મદ રિઝવાન સામે પડકાર ઉભો કરી રહ્યો છે. ન્યુઝીલેન્ડનો ફિન એલન પણ 17 સ્થાનના ફાયદા સાથે 13માં સ્થાને પહોંચી ગયો છે.
આ પણ વાંચો: Stock Market/ નિફ્ટી 18,650ની ઉપર બંધઃ FOMC મીટિંગ પહેલા સેન્સેક્સ 144 પોઈન્ટ વધ્યો
