નાઈટ Tracking ની મજા માણવી છે? આટલી તૈયારી સાથે જ નીકળજો

Night Camping:આજના યુવાનોમાં વીકએન્ડ પર ટ્રેકિંગ (Tracking) અને કેમ્પિંગનો ક્રેઝ ખૂબ વધ્યો છે. ખાસ કરીને ‘નાઈટ ટ્રેકિંગ’નો અનુભવ કંઈક અલગ જ હોય છે. તારાઓથી ભરેલું આકાશ, જંગલની શાંતિ અને રાતનો ઠંડો પવન – આ બધું આકર્ષક લાગે છે.

પરંતુ યાદ રાખો કે દિવસ કરતા રાત્રે ટ્રેકિંગ (Tracking) કરવું વધુ જોખમી છે. અંધારામાં દિશા ભટકવાનો કે ઈજા થવાનો ડર રહેલો છે. જો તમે પણ નાઈટ ટ્રેકિંગ પર જવાનું વિચારી રહ્યા હોવ, તો આટલી તૈયારી ચોક્કસ કરજો.

ટોર્ચ અને હેડલેમ્પ સૌથી જરૂરી (Proper Lighting)

રાત્રે જંગલમાં ગાઢ અંધારું હોય છે.

ભૂલ: ઘણા લોકો મોબાઈલની ફ્લેશ લાઈટના ભરોસે નીકળી પડે છે.

ટિપ: હંમેશા સારી ગુણવત્તાવાળી ટોર્ચ (Torch) સાથે રાખો અને વધારાની બેટરી પણ લો. જો શક્ય હોય તો ‘હેડલેમ્પ’ (માથા પર લગાવાની લાઈટ) વાપરો, જેથી તમારા બંને હાથ ચઢાણ માટે મુક્ત રહે.

એકલા ક્યારેય ન જવું (Group Trekking)

નાઈટ ટ્રેકિંગ માટેનો આ સુવર્ણ નિયમ છે.

ટિપ: રાત્રે ક્યારેય એકલા ન નીકળવું. હંમેશા ગ્રુપમાં રહો અને એકબીજાની સાથે ચાલો. જો કોઈ મુશ્કેલી આવે તો સાથીદારો મદદ કરી શકે છે. ટ્રેક લીડરની સૂચનાઓનું ચુસ્તપણે પાલન કરો.

રસ્તાની પૂરતી જાણકારી (Know the Route)

રાત્રે રસ્તો શોધવો મુશ્કેલ હોય છે.

ટિપ: એવા જ સ્થળે નાઈટ ટ્રેકિંગ માટે જાઓ જ્યાં તમે દિવસના સમયે જઈ આવ્યા હોવ અથવા જે રસ્તાથી તમે પરિચિત હોવ. અજાણ્યા રસ્તે રાત્રે ભટકી જવાની શક્યતા વધુ હોય છે. ગૂગલ મેપ્સના ભરોસે ન રહેતા, કારણ કે જંગલમાં નેટવર્ક ન પણ હોય.

પાવર બેંક અને સીટી (Essentials-Tracking)

પાવર બેંક: તમારો ફોન હંમેશા ફૂલ ચાર્જ રાખો અને સાથે પાવર બેંક જરૂર રાખો. ઈમરજન્સીમાં ફોન જ તમારો સંપર્ક સેતુ બનશે.

સીટી (Whistle): તમારી બેગમાં એક સીટી હંમેશા રાખવી. જો તમે ગ્રુપથી છૂટા પડી જાઓ, તો અંધારામાં બૂમો પાડવાને બદલે સીટી વગાડીને તમારું લોકેશન બતાવી શકાય છે.