Ahmedabad News: સ્ટેટ મોનિટરિંગ સેલ (SMC) PSI ઝાહીદખાન એમ પઠાણ ગઈકાલે સાંજે બાતમી મળતાં ઓચિંતી દરોડો પાડવા અમદાવાદથી સુરેન્દ્રનગર જવા રવાના થયા હતા. તેને ખ્યાલ નહોતો કે તેઓ ભલે સરપ્રાઇઝ રેડ કરવાં જતા હોય, પરંતુ અહીં તેમને મોત સરપ્રાઇઝ આપવા રાહ જોઈ રહ્યું છે. તેઓ દારૂની હેરાફેરી કરનાર ક્રેટાનો પીછો કરી રહ્યા હતા ત્યારે PSIની ફોર્ચ્યુનર કારને અકસ્માત નડ્યો હતો. આ પછી બહાદુર PSIએ વિરમગામની હોસ્પિટલમાં અંતિમ શ્વાસ લીધા હતા. આ પછી SMC ચીફ નિર્લિપ્ત રાયે સરપ્રાઇઝ રેડની માહિતી શેર કરી.

સમગ્ર ઘટના અંગે SMC ચીફ નિર્લિપ્ત રાયે કહ્યું કે આ ખૂબ જ દુઃખદ ઘટના છે અને અમે અમારા બહાદુર જવાનને ગુમાવ્યો છે. નિર્લિપ્ત રાયે જણાવ્યું હતું કે પઠાણને બાતમી મળી હતી કે રાજસ્થાનથી એક કાર દારૂ લઈને ગુજરાતમાં પ્રવેશી છે અને સુરેન્દ્રનગર તરફ જઈ રહી છે. સમાચાર મળતાં જ તેઓ અમદાવાદથી ફોર્ચ્યુનર કાર અને અન્ય ટીમ સાથે રવાના થયા હતા.

SMC હંમેશા ખાનગી વાહનનો ઉપયોગ કરે છે

તેણે કહ્યું કે અમારું ઓપરેશન ગુપ્ત છે, તેથી અમે હંમેશા ખાનગી વાહનોનો ઉપયોગ કરીએ છીએ. પઠાણ પણ ખાનગી કારમાં હતો અને દસાડા પાસે ટીમ સાથે દારૂની હેરાફેરી કરનારની કાર પર નજર રાખી રહ્યો હતો.

સુરેન્દ્રનગર જિલ્લાના દશાડા-પાટડી માર્ગ ઉપર દારૂ ભરેલી શંકાસ્પદ ગાડી પકડવા જતા સ્ટેટ મોનીટરીંગ સેલના આશાસ્પદ અધિકારી PSI શ્રી જે.એમ.પઠાણનું માર્ગ અકસ્માતમાં દુઃખદ અવસાન થયું છે.

ગુજરાત પોલીસે એક બહાદુર કર્મનિષ્ઠ અધિકારી ગુમાવ્યા છે.

દારૂબંધી સામેની લડાઈમાં પોતાનું જીવન… pic.twitter.com/7z9kVO1MEx

— Harsh Sanghavi (@sanghaviharsh) November 5, 2024

ટીમે પઠાણને બચાવવાનો પ્રયાસ કર્યો 

રાયે કહ્યું કે પઠાણને ટક્કર માર્યા પછી પણ ક્રેટા કાર રોકાઈ ન હતી અને પઠાણની સૂચના મુજબ ક્રેટા કારમાં ચોક્કસપણે કંઈક શંકાસ્પદ હતું. જો કે, પઠાણની ટીમે પહેલા પઠાણને બચાવવાનું નક્કી કર્યું અને ક્રેટા પાછળ જવાને બદલે, પઠાણની વહેલી તકે સારવાર કરાવવાનો પ્રયાસ કર્યો. તેમને પ્રથમ દસાડા પ્રાથમિક આરોગ્ય કેન્દ્ર અને ત્યારબાદ વિરમગામ હોસ્પિટલમાં લઈ જવાયા હતા.

SMCનો ઓચિંતો દરોડો

SMC સ્વતંત્ર રીતે કામ કરે છે, આ વખતે પણ SMCની ટીમે સ્થાનિક પોલીસને જાણ કરી ન હતી અને નાકાબંધીમાં સ્થાનિક પોલીસની મદદ લીધી ન હતી.

PSIનો મૃતદેહ અમદાવાદ ખાતે તેમના નિવાસસ્થાને લાવવામાં આવ્યો હતો.

પઠાણના મૃતદેહને ઘરે લાવવા પીએસઆઈ આવ્યા છે. પરિવારના સભ્યો અને પોલીસકર્મીઓ તેમના ઘરે પહોંચી ગયા છે. તેનો ભાઈ આજે સવારે મળવા માટે ચંડીગઢ પહોંચી ગયો હતો. ઘટનાની માહિતી મળતાં મૃતકનો ભાઈ ચંદીગઢથી પરત ફરી રહ્યો છે. ત્યાર બાદ મૃતદેહના અંતિમ સંસ્કાર કરવામાં આવશે.

ક્રેટામાં શું હતું?

પઠાણને બાતમી મળી હતી કે કારમાં રાજસ્થાનથી દારૂ આવી રહ્યો છે. પરંતુ ક્રેટાને પકડી શકાયો ન હતો અને ચાલાફ ભાગી ગયો હતો. તેથી હવે ક્રેટામાં શું હતું તે શોધવું મુશ્કેલ છે. આ કારણથી મીડિયા નોટમાં એક શંકાસ્પદ કાર લખવામાં આવી છે.

ક્રેટા નંબર ખોટો છે

ગુજરાત-રાજસ્થાન બોર્ડરથી દશારા સુધી ક્રેટા સીસીટીવીમાં કેદ થઈ હશે. પરંતુ દારૂની હેરાફેરી કરતી વખતે દારૂના ધંધાર્થીઓ વાહનનો સાચો નંબર રાખતા નથી. તેથી આ કારનો નંબર સાચો છે કે ખોટો તે હજુ તપાસનો વિષય છે. લગભગ આવા કિસ્સાઓમાં કારનો નંબર ખોટો હોય છે.

આ પણ વાંચો: નીતા ચૌધરીને પકડવા ગયેલી ટીમને પણ ખબર ન હતી કે કોની ધરપકડ કરવાની છે

આ પણ વાંચો: ડીજેના સ્પીકરમાં સંતાડીને દારૂ વેચતો બૂટલેગર ઝડપાયો

આ પણ વાંચો: દસ્ક્રોઈમાં બૂટલેગરોએ પોલીસની કારને ટક્કર મારતા પોલીસકર્મીનું મોત થયું