India IMD Update: ભારતીય હવામાન વિભાગ (IMD) અનુસાર પશ્ચિમ હિમાલયના વિસ્તારોમાં હિમવર્ષા અને વરસાદની સંભાવના છે. ખાસ કરીને 9થી 11 ફેબ્રુઆરી દરમિયાન એક શક્તિશાળી વેસ્ટર્ન ડિસ્ટર્બન્સ (Western Disturbance) સક્રિય થવાને કારણે હવામાનમાં મોટો ફેરફાર નોંધાઈ શકે છે. આ બદલાવની સૌથી વધુ અસર જમ્મુ-કાશ્મીર, લદ્દાખ, હિમાચલ પ્રદેશ અને ઉત્તરાખંડના વિસ્તારોમાં જોવા મળશે.
દિલ્હી-NCRમાં હવામાન કેવું રહેશે?
આજે 9 ફેબ્રુઆરી દિલ્હી-NCR ક્ષેત્રમાં ધુમ્મસ છવાઈ જવાની સંભાવના છે. દિલ્હીમાં લઘુત્તમ તાપમાન 11 ડિગ્રી સેલ્સિયસ રહેવાની સંભાવના છે, જ્યારે મહત્તમ તાપમાન 23 ડિગ્રી સેલ્સિયસ રહેવાની સંભાવના છે. હવામાન વિભાગે (IMD) આજે દિલ્હીમાં સ્વચ્છ હવામાનની આગાહી કરી છે. હવામાન વિભાગ (IMD)ના જણાવ્યા અનુસાર, દિલ્હીનો AQI આજે 230 ની આસપાસ રહેવાની સંભાવના છે, જે હવાની ગુણવત્તા નબળી રહેવાનો સંકેત આપે છે.
જમ્મુ-કાશ્મીર અને લદ્દાખમાં ગાજવીજ સાથે વરસાદ
હવામાન વિભાગ (IMD)ના જણાવ્યા અનુસાર, જમ્મુ-કાશ્મીર અને લદ્દાખના અનેક વિસ્તારોમાં ગાજવીજ સાથે વરસાદની આગાહી કરવામાં આવી છે. ઉંચા વિસ્તારોમાં વરસાદ હિમવર્ષામાં પરિવર્તિત થઈ શકે છે. શ્રીનગર, ગુલમર્ગ, સોનમર્ગ અને કારગિલ જેવા વિસ્તારોમાં હિમવર્ષા થવાની પૂરી શક્યતા છે. આ દરમિયાન તાપમાનમાં નોંધપાત્ર ઘટાડો થઈ શકે છે, જેના કારણે સામાન્ય જનજીવનને અસર થવાની સંભાવના છે.
હિમાચલ અને ઉત્તરાખંડમાં હળવી હિમવર્ષાની શક્યતા
હિમાચલ પ્રદેશ અને ઉત્તરાખંડમાં પણ આવનારા દિવસોમાં હવામાન બગડવાની શક્યતા છે. મનાલી, કૂલુ, શિમલા, નૈનિતાલ, મુક્તેશ્વર અને બદ્રીનાથ જેવા પ્રવાસન વિસ્તારોમાં હળવીથી મધ્યમ હિમવર્ષાની આગાહી કરવામાં આવી છે. હવામાન નિષ્ણાતોનું કહેવું છે કે પહાડોમાં ઠંડા પવનો ફૂંકાશે, જેના કારણે ઠંડીનો પ્રકોપ વધુ વધી શકે છે.
વેસ્ટર્ન ડિસ્ટર્બન્સ (Western Disturbance)થી ઠંડા પવનોનો પ્રભાવ
આ સમગ્ર હવામાન ફેરફાર પાછળનું મુખ્ય કારણ વેસ્ટર્ન ડિસ્ટર્બન્સ (Western Disturbance)છે. આ સિસ્ટમના કારણે ઉત્તર પશ્ચિમ ભારતના વિસ્તારોમાં ઠંડા પવનો ફૂંકાશે અને તાપમાન સામાન્ય કરતાં નીચે જઈ શકે છે. રાત્રિ દરમિયાન તાપમાનમાં વધુ ઘટાડો થવાની શક્યતા છે, ખાસ કરીને ઊંચાઈવાળા વિસ્તારોમાં.
માર્ગો બંધ થવાની અને અવરજવરમાં વિક્ષેપની શક્યતા
હિમવર્ષા અને વરસાદને કારણે અનેક પહાડી માર્ગો બંધ થવાની શક્યતા છે. અગાઉ પણ આવી પરિસ્થિતિઓમાં જમ્મુ-શ્રીનગર હાઈવે અને મનાલી-લેહ માર્ગ બંધ થવાના કિસ્સાઓ સામે આવ્યા છે. પ્રશાસને માર્ગ જાળવણી ટીમોને સજ્જ રાખવા સૂચના આપી છે જેથી હિમવર્ષા બાદ માર્ગોને ઝડપથી ખુલ્લા કરી શકાય.
પર્યટકો માટે ખાસ ચેતવણી
હવામાન વિભાગે (IMD)પર્યટકોને ખાસ સાવચેત રહેવાની સૂચના આપી છે. જે લોકો આગામી દિવસોમાં હિમાચલ, ઉત્તરાખંડ અથવા જમ્મુ-કાશ્મીરની યાત્રાની યોજના બનાવી રહ્યા છે, તેમને હવામાન અપડેટ (Western Disturbance)ચકાસીને જ મુસાફરી કરવા સલાહ આપવામાં આવી છે. હિમવર્ષા દરમિયાન વાહન ચલાવતી વખતે ખાસ સાવધાની રાખવી જરૂરી છે.
IMD મુજબ, 11 ફેબ્રુઆરી બાદ હવામાનમાં ધીમે ધીમે સુધારો આવી શકે છે, પરંતુ ત્યાં સુધી પહાડી વિસ્તારોમાં શિયાળાની અસર યથાવત રહેશે. હવામાન વિભાગ (IMD)સતત પરિસ્થિતિ પર નજર રાખી રહ્યો છે અને સમયસર અપડેટ જાહેર કરવામાં આવશે.
આ પણ વાંચો: ઉત્તર ભારતમાં તીવ્ર ઠંડીનો પ્રકોપ, હવામાન વિભાગે ચક્રવાત ‘દિત્વાહ’ ની ચેતવણી જારી કરી
આ પણ વાંચો:હિમાચલ, કાશ્મીરમાં હિમવર્ષાથી પ્રવાસીઓ ખુશ, યુપી, પંજાબમાં ગાઢ ધુમ્મસ, દિલ્હી-NCRમાં પ્રદૂષણ વધ્યું
