વોટ્સએપએ તેની સુરક્ષા વધારવા તેમાં એક વધારાની સુરક્ષા સુવિધા ઉમેરી છે. વોટ્સએપ યૂઝર્સ વેબ અથવા ડેસ્કટ ટોપ પર પોતાનું એકાઉન્ટ ખોલવા માટે પહેલા તેમનું વેરિફિકેશન કરવું પડશે. આ સુવિધા રોલઆઉટ થયા પછી યૂઝર્સે તેમના એકાઉન્ટને વોટ્સએપ વેબ સાથે લિંક કર્યા પછી ફિંગરપ્રિન્ટ સ્કેનીંગ અથવા ચહેરો ઓળખવા માટેનો ઉપયોગ કરવાની પરવાનગી આપવી પડશે. વોટ્સએપનું આ ફીચર આવતા અઠવાડિયામાં વૈશ્વિક સ્તરે લોન્ચ થઈ શકે છે.
વોટ્સએપ તેની એપમાં વોટ્સએપ વેબ માટે યુઆઈને પણ અપડેટ કરી રહ્યું છે. આ સાથે, વોટ્સએપ ટૂંક સમયમાં મલ્ટી ડિવાઇસ લોગિન સુવિધા પણ ઉમેરી શકે છે. હાલ તમે એક જ સમયે એક કમ્પ્યુટર અથવા લેપટોપ પર તમારા વોટ્સએપ એકાઉન્ટમાં લોગિન કરી શકો છો. પરંતુ આવનારા સમયમાં આવું થશે નહીં.
વોટ્સએપના એન્ડ્રોઇડ યૂઝર્સ વ્હોટ્સએપ વેબ અથવા ડેસ્કટોપના વેરિફિકેશન માટે ફેસ અથવા ફિંગરપ્રિન્ટ અનલોકનો ઉપયોગ કરી શકશે. પરંતુ આઇફોન યૂઝર્સે ફેસ આઈડી દ્વારા તેમના ખાતાની ચકાસણી કરવી પડશે. આ પ્રક્રિયા ફોનથી ક્યૂઆર કોડ સ્કેન કરતા પહેલા દેખાશે.
વોટ્સએપે તેના યૂઝર્સોને ખાતરી આપી છે કે બાયોમેટ્રિક ઓથેન્ટિકેશન સુરક્ષિત છે. કંપનીએ એમ પણ કહ્યું છે કે ચહેરો અને ફિંગરપ્રિનટ ઓથેન્ટિકેશન તમારા ડિવાઇસથી થાય છે, વોટ્સએપ તમારા ડિવાઇસની ઓપરેટિંગ સિસ્ટમ દ્વારા બાયોમેટ્રિક માહિતી સુધી પહોંચી શકતુ નથી.
