રજત શર્માએ દરેકને ચોંકાવતા અચાનક દિલ્હી અને ડિસ્ટ્રિક્ટ ક્રિકેટ એસોસિએશન (ડીડીસીએ) નાં પ્રમુખપદેથી રાજીનામું આપ્યું છે. ડીડીસીએ એ તેમના સત્તાવાર ટ્વિટર એકાઉન્ટ પર આ માહિતી આપી. દિલ્હી અને ડિસ્ટ્રિક્ટ ક્રિકેટ એસોસિએશન એટલે કે ડીડીસીએનાં બાકીનાં ડિરેક્ટરોએ એક ઠરાવ પસાર કરીને પ્રખ્યાત પત્રકાર રજત શર્મા સામે તેમની સત્તા છીનવી લીધી હતી. આવી સ્થિતિમાં, તેમનું કામ હવે વધુ સમય રહ્યુ નહોતું. તેમના રાજીનામાનું આ મુખ્ય કારણ હોઈ શકે છે.
ડીડીસીએએ તેના સત્તાવાર ટ્વિટર એકાઉન્ટ પર આ માહિતી આપતા લખ્યું છે – રજત શર્માએ તાત્કાલિક અસરથી ડીડીસીએનાં પ્રમુખ પદેથી રાજીનામું આપ્યું છે. રાજીનામું એપેક્સ કાઉન્સિલને મોકલવામાં આવ્યું છે. આપને જણાવી દઈએ કે રજત શર્મા જુલાઈ 2018 માં આ પદ માટે ચૂંટાયા હતા.
News alert: @RajatSharmaLive has tendered his resignation from the post of President, DDCA with immediate effect and forwarded it to the Apex Council.
— DDCA (@delhi_cricket) November 16, 2019
ઉલ્લેખનીય છે કે રજત શર્માએ ડીડીસીએનાં પ્રમુખ રહેતા દિલ્હીનાં ઐતિહાસિક સ્ટેડિયમ ફિરોઝશાહ કોટલાનું નામ બદલીને અરૂણ જેટલી સ્ટેડિયમ રાખવાની દરખાસ્ત કરી હતી, જેને મંજૂરી પણ મળી હતી. આપને જણાવી દઈએ કે દિવંગત પૂર્વ નાણાં મંત્રી અરુણ જેટલી અને પત્રકાર સારા મિત્રો હતા. આ સિવાય અરુણ જેટલી લાંબા સમયથી ડીડીસીએનાં અધ્યક્ષ હતા.
દરમિયાન, થોડા સમય પહેલા જ રજત શર્માએ પણ એક ટ્વીટ કર્યું છે, જેમાં તેમણે લખ્યું છે કે, આજે મેં ડીડીસીએ પ્રમુખ પદ પરથી રાજીનામું આપી દીધું છે. તે એપેક્સ કાઉન્સિલને મોકલવામાં આવ્યુ છે. મારા કાર્યકાળ દરમિયાન આપના સમર્થન, સન્માન અને સ્નેહ માટે હું તમારો આભાર માનું છું. મારી સૌને શુભેચ્છાઓ.
Today I have tendered my resignation from the post of President, DDCA and has sent it to the Apex Council. I thank all of you for your overwhelming support, respect and affection during my tenure. My best wishes to @delhi_cricket
— Rajat Sharma (@RajatSharmaLive) November 16, 2019
રજત શર્મા એક ખાનગી હિન્દી ન્યૂઝ ચેનલનાં અધ્યક્ષ અને મુખ્ય સંપાદક છે. ન્યૂઝ એજન્સી એએનઆઈએ રજત શર્માને ટાંકીને કહ્યું કે, એવું લાગે છે કે ડીડીસીએમાં પ્રામાણિકતા અને પારદર્શિતાનાં સિદ્ધાંતોનું પાલન કરવું શક્ય નથી, જેના આધારે હું કોઈ પણ કિંમતે સમાધાન કરવા તૈયાર નથી. નોંધનીય છે કે રજત શર્માનાં કાર્યકાળ દરમિયાન કોટલા ક્રિકેટ ગ્રાન્ટનું નામ બદલવામાં આવ્યું હતું. તેને હવે દિવંગત કેન્દ્રીય મંત્રી અને ડીડીસીએનાં ભૂતપૂર્વ અધ્યક્ષ અરૂણ જેટલીનાં નામ પર અરૂણ જેટલી ક્રિકેટ સ્ટેડિયમથી ઓળખાય છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
