Test Cricket Match: ટેસ્ટ ક્રિકેટ (Test Cricket)માં અવારનવાર રેકોર્ડ બને છે અને તૂટે છે. જ્યારે ઘણા રેકોર્ડ્સ ખેલાડી અથવા ટીમ માટે સિદ્ધિઓ બની જાય છે, ત્યારે એવા ઘણા શરમજનક રેકોર્ડ્સ પણ છે જે અનિચ્છાએ પણ ખેલાડી અથવા ટીમના નામે નોંધાય છે. કોઈપણ ખેલાડી અથવા ટીમ કોઈપણ કિંમતે આ શરમજનક રેકોર્ડ બનાવવાથી બચવા માંગે છે, પરંતુ આવું કરવું સરળ નથી. હાલમાં જ દક્ષિણ આફ્રિકા અને વેસ્ટ ઈન્ડિઝ વચ્ચે ટેસ્ટ મેચની શ્રેણી રમાઈ હતી. દક્ષિણ આફ્રિકાએ આ શ્રેણી 1-0થી જીતી હતી.
દક્ષિણ આફ્રિકા અને વેસ્ટ ઈન્ડિઝ વચ્ચે રમાયેલી બીજી ટેસ્ટ મેચમાં દક્ષિણ આફ્રિકાનો 40 રને વિજય થયો હતો. આ મેચમાં એક શરમજનક રેકોર્ડ પણ બન્યો, જ્યારે મેચમાં 11 ખેલાડી 0ના સ્કોર પર આઉટ થયા હતા. ટેસ્ટ ક્રિકેટના ઈતિહાસમાં અત્યાર સુધી 14 વખત આવું બન્યું છે.
આ મેચમાં દક્ષિણ આફ્રિકાના 7 બેટ્સમેન ખાતું ખોલાવ્યા વિના આઉટ થઈ ગયા હતા. ટીમે 92 વર્ષ બાદ આ શરમજનક પ્રદર્શન કર્યું છે. વર્ષ 1932માં દક્ષિણ આફ્રિકાના 7 ખેલાડીઓ ખાતું ખોલાવ્યા વિના આઉટ થઈ ગયા હતા. જોકે દક્ષિણ આફ્રિકાએ આ મેચ 40 રને જીતી લીધી હતી, પરંતુ ટીમના ચાર બેટ્સમેન ટેમ્બા બૌમા, વિયાન મુલ્ડર, કેશવ મહારાજ અને રબાડા પ્રથમ દાવમાં 0 રનમાં આઉટ થઈ ગયા હતા. જ્યારે બીજી ઇનિંગમાં ડેવિડ, કેશવ મહારાજ અને બર્ગર 0 રનમાં આઉટ થયા હતા.
આ પણ વાંચો:ટેસ્ટ ક્રિકેટમાં કેન વિલિયમ્સન નો ધમાકો,સદી ફટકારીને ઇતિહાસ રચ્યો, કેવિન પીટરસનને પાછળ છોડી દીધો
આ પણ વાંચો:કિવી બેટરે ટેસ્ટ ક્રિકેટમાં જો રૂટના શાસનનો કર્યો અંત,સ્ટીવ સ્મિથની પણ થઈ
આ પણ વાંચો:કિવી ફાસ્ટ બોલર ટ્રેન્ટ બોલ્ટે ટેસ્ટ ક્રિકેટમાં લગાવી વિકેટોની ત્રિપલ સેન્ચ્યુરી
