Viral News: ખાનગી નોકરીમાં (Private Job) કામ કરતા લોકો તેમના કામ અને તણાવને કારણે પરેશાન રહે છે. તેઓ નિર્ધારિત સમય કરતા વધુ કામ કરે છે પરંતુ તેમ છતાં તેઓ શાંતિપૂર્ણ જીવન જીવી શકતા નથી. માઈક્રોસોફ્ટમાં (Microsoft) કામ કરતા છોકરાની કહાની સાંભળ્યા બાદ લોકો તેની નોકરીને ‘ડ્રીમ જોબ’ (Dream job) કહી રહ્યા છે. સોશિયલ મીડિયા પર હજારો લોકોએ આ નોકરીને લઈને પોતાની પ્રતિક્રિયાઓ આપી છે.
એક યુઝરે સોશિયલ મીડિયા પ્લેટફોર્મ X પર લખ્યું, “હું મારા મિત્ર સાથે વાત કરી રહ્યો છું જે Microsoft માં કામ કરે છે. તે અઠવાડિયામાં 15-20 કલાક કામ કરે છે અને બાકીનો સમય લીગ (ક્લબ, સ્પોર્ટ્સ) રમે છે અને તેના માટે $300k એટલે કે રૂપિયા 2 કરોડથી વધુ ચૂકવવામાં આવે છે.” આ પોસ્ટ વાયરલ થતા જ લોકો ચોંકી ઉઠ્યા છે.
talking to my friend who works at microsoft & apparently he works 15-20 hr weeks & plays league the rest of the time & gets paid $300k for it
— Rona Wang (@ronawang) September 27, 2024
એક બાજુ ઓફિસમાં વધુ સમય વિતાવનાર વ્યક્તિને સન્માનની નજરે જોવામાં આવે છે, પરંતુ હવે એક એવા છોકરાની કહાણી સાંભળીને લોકો આશ્ચર્યચકિત થઈ જાય છે જે દિવસમાં માત્ર ચાર કલાક કામ કરીને સારી કમાણી કરે છે. એકે લખ્યું કે જો કોઈ વ્યક્તિ 40 કલાકનું કામ માત્ર 20 કલાકમાં કરી શકે છે, તો તેમાં કોઈને શું સમસ્યા થઈ શકે છે? અન્ય એકે લખ્યું કે, મોટાભાગના સીઈઓને સારા પરિણામ આપનાર વ્યક્તિ ગમે છે. ભલે તે ઓછું કામ કરે.
‘હું 50 કલાક કામ કરું છું, મારે શું કરવું જોઈએ?’
એક યુઝરે લખ્યું કે સારી કંપનીઓ સારા કર્મચારીઓને જાળવી રાખવા માટે વિવિધ સુવિધાઓ પૂરી પાડે છે. બીજાએ લખ્યું કે આ કરવા પહેલા તમારે કંપનીનો વિશ્વાસ જીતવો પડશે, જો તમે વિશ્વાસ જીતવામાં સફળ થાવ છો તો તમે એક મહિનામાં ખૂબ ઓછા સમય માટે કામ કરીને સારી આવક મેળવી શકો છો. તો ત્રીજી વ્યક્તિએ મજાકમાં લખ્યું કે લોકો માઇક્રોસોફ્ટમાં અઠવાડિયામાં 15 કલાક કામ કરે છે, આખો દિવસ લીગ રમે છે અને $300k કમાય છે. દરમિયાન, હું 50 કલાક કામ કરું છું અને જીમમાં જવા માટે ભાગ્યે જ સમય શોધી શકું છું, હું શું ખોટું કરી રહ્યો છું?
માત્ર માઈક્રોસોફ્ટ જ નહીં પરંતુ લોકો પણ ગૂગલના વર્કિંગ કલ્ચરના વખાણ કરે છે. જ્યારે એક કર્મચારીએ આને લગતો એક વીડિયો શેર કર્યો તો લોકો સુવિધાઓ જોઈને આ કંપનીમાં જોડાવા માટે ઉત્સાહિત થઈ ગયા હતા.
આ પણ વાંચો:3 કલાકમાં 4 લાખથી કરી વધુની કમાણી આ મહિલાએ, સ્ક્રીનશોટ શૅર કરતા લોકો જાણવા ઉત્સુક
આ પણ વાંચો:બેંગલુરુની યુવતીએ ઊંઘની ઇન્ટર્નશિપ કરી રૂપિયાની કમાણી, જાણો કિસ્સો
