ભારતીય ક્રિકેટ ટીમે 2007 માં ટી-20 વર્લ્ડ કપનું ઉદ્ઘાટન કર્યુ હતુ અને ત્યારબાદથી ભારતમાં ટી-20 ક્રિકેટની હવા શરૂ થઇ ગઇ હતી. ઈન્ડિયન પ્રીમિયર લીગની શરૂઆત વર્લ્ડ કપનાં એક વર્ષ પછી થઈ હતી. 2008 થી ચાલી રહેલી આ સ્પર્ધાએ 13 સીઝન પૂર્ણ કરી દીધા છે.

IPL 2021 / આ ટેકનોલોજી પણ IPL સાથે કરશે પદાર્પણ, બદલાઈ જશે મેચ જોવાનો અંદાજ

આ લીગની 14 મી સીઝન 9 એપ્રિલથી શરૂ થવા જઈ રહી છે. છેલ્લા 13 વર્ષમાં આઈપીએલ ઘણુ આગળ નીકળી ગયુ છે. આજે આઈપીએલ વિશ્વની સૌથી ધનિક ક્રિકેટ લીગ તરીકે ઓળખાય છે. આ આઈપીએલે ઘણા ખેલાડીઓને રાતોરાત કરોડપતિ બનાવી દીધા છે. આજે આઈપીએલ ફક્ત ક્રિકેટમાં જ નહીં પરંતુ વિશ્વની સૌથી ધનિક લીગ સ્પર્ધાઓમાં પણ એક બની રહી છે. ચાલો એક નજર કરીએ કે હાલમાં દુનિયામાં આઈપીએલ આવકનાં મામલે ક્યાં છે. દરેક સીઝનમાં આઈપીએલની આવક વધતી જોવા મળી રહી છે. 2019 માં 47,500 કરોડની આવક થઈ હતી, જ્યારે 2020 માં તે કોરોના સમયગાળાને કારણે 45,800 રહી હતી. ઉપરાંત આઈપીએલની એક સીઝનમાં લગભગ 60 મેચ રમવામાં આવે છે. બીજા શબ્દોમાં કહીએ તો, મેચની કમાણી આશરે 81 કરોડની હોય છે. આ આંકડાઓ પર નજર નાખીએ તો આઈપીએલ વિશ્વ વિખ્યાત બાસ્કેટબોલ લીગ એનબીએ અને બેઝબોલ લીગ એમએલબીથી આગળ છે. આઇપીએલ બાદ હાલમાં ઇંગ્લિશ પ્રીમિયર લીગ, લા લિગા અને એનએફએલ છે. તેમાં પણ આઇપીએલ ઇંગ્લિશ પ્રીમિયર લીગ અને લા લિગાની થોડી નજીક છે. પરંતુ એન.એફ.એલ. સ્પર્ધા કરતા ઘણી આગળ છે.

IPL પર સંકટનાં વાદળ / IPL ની પ્રથમ મેચ સંકટમાં, મુંબઈ ઈન્ડિયન્સ કેમ્પમાં કોરોનાએ કર્યો પ્રવેશ

હાલમાં એનબીએની માથાદીઠ આવક રૂ.66 કરોડ છે. એમએલબીનો પ્રતિરૂપ 34 કરોડનો છે. ઇંગ્લિશ પ્રીમિયર લીગની આવક 136 કરોડ અને લા લિગાની 101 કરોડ છે. ટોચનાં ક્રમાંકિત એનએફએલની માથાદીઠ આવક રૂ.364 કરોડ છે. એનબીએ બાસ્કેટબોલ લીગની સમગ્ર સીઝનમાં 30 ટીમો વચ્ચે 1,200 થી વધુ મેચ છે. લીગની સિઝન ડિસેમ્બરથી શરૂ થાય છે અને જુલાઈમાં સમાપ્ત થાય છે. આ ઉપરાંત, એમએલબી દર વર્ષે 2000 થી વધુ મેચનું આયોજન કરે છે. ઇંગ્લિશ પ્રીમિયર લીગમાં એક સીઝનમાં 380 મેચ હોય છે. આઇપીએલની દરેક સીઝનમાં આશરે 60 મેચ રમવામાં આવે છે. વળી, આઇપીએલ આ અન્ય લીગ સ્પર્ધાઓ કરતા ઓછા દિવસ ચાલે છે. આઈપીએલનો સમયગાળો લગભગ 2 મહિનાનો હોય છે, જ્યારે આ અન્ય લીગ ટૂર્નામેન્ટ્સ 3 મહિનાથી વધુ ચાલે છે. જો કે, આગામી સમયમાં આઈપીએલમાં ટીમોની સંખ્યા વધી શકે છે, તેથી મેચની સંખ્યા પણ વધી શકે છે. તેથી જો આઈપીએલ આગળ વધે તો તેને વિશ્વની ટોચની ત્રણ સૌથી ધનિક લીગ સ્પર્ધાઓમાં શામેલ કરી શકાય છે.

મંતવ્ય ન્યૂઝ દ્વારા જાહેર અપીલ –

નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…