બિહારમાંથી એક મોટા સમાચાર સામે આવ્યા છે, જેમાં નીતિશ કુમાર પર પ્રહાર કરવામાં આવ્યા છે. બખ્તિયારપુર માં ગુસ્સે ભરાયેલા યુવકે નીતિશ કુમાર પર હુમલો કર્યો. યુવક સ્ટેજ પર ખૂબ જ ઝડપથી દોડતો આવ્યો અને મુખ્યમંત્રી તરફ આગળ વધ્યો. સુરક્ષાકર્મીઓ કંઈ સમજે તે પહેલા યુવક મુખ્યમંત્રી નીતીશ કુમારની નજીક પહોંચી ગયો અને તેના પર હુમલો કરવાનો પ્રયાસ કર્યો અને મુક્કો માર્યો. દરમિયાન, સુરક્ષાકર્મીઓએ તરત જ યુવકને ઘેરી લીધો અને તેને પકડી લીધો, ત્યારબાદ યુવકને કસ્ટડીમાં લેવામાં આવ્યો.
જો કે યુવકના આ હુમલામાં મુખ્યમંત્રીને કોઈ પ્રકારની ઈજા થઈ નથી.યુવક માનસિક રીતે અસ્વસ્થ હોવાનું કહેવાય છે. હકીકતમાં, મુખ્યમંત્રી એક ખાનગી કાર્યક્રમમાં હાજરી આપવા માટે બખ્તિયારપુર પહોંચ્યા હતા. બિહારના મુખ્યમંત્રી નીતીશ કુમાર યોગી આદિત્યનાથના શપથ ગ્રહણ બાદ બિહાર પરત ફર્યા છે. તે પછી, તેઓ એક ખાનગી કાર્યક્રમમાં બખ્તિયારપુરમાં મંચ પર પુષ્પાંજલિ આપવા જઈ રહ્યા હતા.
Bihar | A youth tried to attack CM Nitish Kumar during a program in Bakhtiarpur. The accused was later detained by the Police.
(Viral video) pic.twitter.com/FoTMR3Xq8o
— ANI (@ANI) March 27, 2022
અગાઉ પણ હુમલો થયો છે
આ પહેલા પણ મુખ્યમંત્રી નીતિશ કુમાર પર પ્રહારો થઈ ચૂક્યા છે. બિહાર વિધાનસભા ચૂંટણી 2020 દરમિયાન મધુબનીમાં યોજાયેલી ચૂંટણી સભા દરમિયાન દર્શકોમાં હાજર વ્યક્તિએ સીએમ નીતિશ પર ડુંગળી અને ઈંટો વડે હુમલો કર્યો હતો. આ દરમિયાન સ્ટેજ પર હાજર સીએમના સિક્યુરીટી ગાર્ડે મુખ્યમંત્રીની સુરક્ષા કરી હતી.
National/ કોરોનાની કોલર ટ્યુન હવે મોબાઈલ પર સંભળાશે નહીં! હટાવવા અંગે ટૂંક સમયમાં નિર્ણય લેવામાં આવી શકે છે
World/ એલોન મસ્કે ઈન્ટરવ્યુમાં પુતિન વિશે આપ્યું મોટું નિવેદન, કહ્યું- તે વિશ્વમાં નંબર-1 છે
પાકિસ્તાન/ હું પાંચ વર્ષ પૂરા કરીશ, રાજીનામું નહીં આપું : ઈસ્લામાબાદની રેલીમાં PM ઈમરાન ખાનની જાહેરાત
