Americe News: ન્યૂયોર્કના મેયર ઝોહરાન મમદાની (Zohran Mamdani) એ જેલમાં રહેલા વિદ્યાર્થી નેતા ઉમર ખાલિદને પત્ર લખ્યો. પત્ર એમના માતાપિતાને આપવામાં આવ્યો હતો, જેમને મેયરે 2025ના ડિસેમ્બરમાં યુનાઇટેડ સ્ટેટ્સની મુલાકાત દરમિયાન મળ્યા હતા. પત્રમાં મેયરે ઉમર પ્રત્યે સહાનુભૂતિ વ્યક્ત કરી અને લખ્યું, અમે બધા તમારા વિશે વિચારી રહ્યા છીએ.
ઝોહરાન મામદાની (Zohran Mamdani) એ પત્રમાં શું લખ્યું?
ઝોહરાન મમદાનીએ ઉમર ખાલિદને પત્ર લખ્યુ હતું, “પ્રિય ઉમર, મુશ્કેલીના સમયમાં તમારાં શબ્દો મને ઘણી વખત યાદ આવે છે, અને તેને મારા જીવન પર દબાણ ન પાડવા દેવું કેટલું મહત્વનું છે તે હું સમજું છું. તમારાં માતાપિતાને મળીને મને ઘણો આનંદ થયો. અમે બધા તમારી ચિંતામાં છીએ.”
ઝોહરાન મમદાની (Zohran Mamdani) એ ડિસેમ્બર 2025માં અમેરિકાની મુલાકાત દરમિયાન ઉમર ખાલિદને તેમના માતાપિતા મળીને આ પત્ર આપ્યો હતો. જ્યારે મમદાનિ 1 જાન્યુઆરી, ગુરુવારના રોજ મેયર તરીકે શપથ લીધા, ત્યારે ખાલિદના ભાગીદાર લાહિરીએ X પર પત્રનો ફોટો શેર કર્યો હતો.
ઝોહરાન મમદાની (Zohran Mamdani) એ આ પત્ર કેમ લખ્યો?
એક અહેવાલ મુજબ ઉમરના માતા-પિતા, સાહિબા ખાનમ અને સૈયદ કાસિમ રસૂલ ઇલ્યાસ, તેમની નાની પુત્રીના લગ્ન પહેલા અમેરિકા ગયા હતા જેથી તેઓ ત્યાં રહેતી તેમની મોટી પુત્રીને મળી શકે કારણ કે તે લગ્નમાં હાજરી આપી શકશે નહીં. તે સમયે, ઉમર ખાલિદના માતા-પિતા ઝોહરાન મમદાની (Zohran Mamdani)ને મળ્યા હતા અને તે સમયે જ ઝોહરાન મમદાની (Zohran Mamdani) એ ઉમર માટે આ પત્ર લખ્યો હતો.
મેકગવર્ને પણ એક પત્ર લખ્યો હતો
જેમ્સ પી. મેકગવર્ન એ ભારતના રાજદૂતને પત્ર લખ્યો જેમાં 2020ના દિલ્હી હિંસાના મામલે ઉમર ખાલિદ અને અન્ય મુસ્લિમ માનવાધિકાર કાર્યકરોની પ્રીટ્રાયલ અટકાયત અંગે ચિંતાઓ વ્યક્ત કરવામાં આવી. તેમણે જણાવ્યું કે સ્વતંત્ર તપાસમાં ખાલિદને આતંકવાદી પ્રવૃત્તિ સાથે જોડતા પુરાવા મળ્યા નથી, અને ICCPR મુજબ, આરોપી નિર્દોષ રહેતા કાયદેસર મુક્તિ અથવા યોગ્ય કેસની પ્રક્રિયા મેળવવા હકદાર છે.
આ પણ વાંચો: ઝોહરાન મમદાનીની કમ્પાલાથી ન્યૂ યોર્ક મેયર સુધીની રાજકીય યાત્રા….
આ પણ વાંચો: ટ્રમ્પ-મમદાની વ્હાઇટ હાઉસમાં પહેલી વાર મળ્યા, ન્યૂ યોર્કમાં સુવિધાઓ અને આર્થિક નીતિ પર કરી ચર્ચા
