કોરોના વાયરસ સામે ચાલી રહેલા યુદ્ધમાં આરોગ્ય વિભાગની ટીમો મોખરે છે. બધા ડૉક્ટર્સ અને નર્સ કોરોનાથી ચેપગ્રસ્ત લોકોની સારવાર કરી રહ્યા છે. ચેપગ્રસ્ત લોકોની સારવાર કરતી વખતે તેમને પણ આ ચેપથી બચાવવાનું એક પડકારજનક છે. બધા ડૉકટર્સ અને નર્સ માસ્ક અને પીપીઈ દ્વારા પોતાને સુરક્ષિત કરે છે. દરમિયાન, એઇમ્સે કહ્યું છે કે તે તેના ડૉક્ટર્સ, નર્સિંગ અધિકારીઓ, સ્ટાફ, સુરક્ષા ગાર્ડ્સ, મેઇન્ટેનન્સ કર્મચારીઓને ફક્ત 5 N 95 માસ્ક આપશે, જેનો ઉપયોગ 20 દિવસ સુધી થઈ શકે છે.

આ અંગે એઇમ્સ દ્વારા એક પરિપત્ર બહાર પાડવામાં આવ્યો છે, જેમાં જણાવવામાં આવ્યું છે કે, N-95 માસ્કને જીવાણુનાશિત કરી ફરીથી તેનો ઉપયોગ કરવો પડશે. દરેક માસ્કનો ઉપયોગ ઓછામાં ઓછો 4 વખત થઈ શકે છે, તેથી પાંચ માસ્ક 20 દિવસ માટે પૂરતા છે. આપને જણાવી દઇએ કે, સમગ્ર દેશમાં માસ્ક, પીપીઇની અછત છે. તમામ રાજ્યો કેન્દ્ર સરકાર પાસે તેની માંગ કરી રહ્યા છે. ભારત સરકાર તેની ઉત્પાદન કરતી તમામ કંપનીઓ સાથે સતત સંપર્કમાં છે. પરંતુ વધુ માંગને કારણે તેને પુરતો પુરવઠો મળી રહ્યો નથી, જેના કારણે આરોગ્ય ક્ષેત્ર સાથે સંકળાયેલા લોકોને ઘણી મુશ્કેલીઓનો સામનો કરવો પડી રહ્યો છે.

આપને જણાવી દઇએ કે, ભારતમાં કોરોના વાયરસનાં ચેપનું જોખમ સતત વધી રહ્યું છે. ભારતમાં કોરોનાથી સંક્રમિત લોકોની સંખ્યા 4421 પર પહોંચી ગઈ છે, જ્યારે આ ચેપને કારણે કુલ 114 લોકોનાં મોત નીપજ્યાં છે. વળી, આ વાયરસથી સંક્રમિત 326 લોકો સ્વસ્થ થયા પછી ઘરે પાછા ફર્યા છે. કોરોના ચેપને કારણે ભારતમાં 21 દિવસનું લોકડાઉન થયું છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.