બોલિવૂડ ઈન્ડસ્ટ્રીની શ્રેષ્ઠ અભિનેત્રી રેખાએ તેની અભિનય અને સુંદરતાથી લાખો દિલો પર રાજ કર્યું. અભિનેત્રી ટૂંક સમયમાં ટીવી સ્ક્રીન પર જોવા મળશે. મોટા પડદા પર ઘણાં વર્ષોથી હિટ ફિલ્મો આપનારી આ અભિનેત્રી હવે ટીવીમાં ડેબ્યૂ કરી રહી છે. આ શો 5 ઓક્ટોબરથી શરૂ થવાનો છે.
રેખા ટૂંક સમયમાં ટીવી શો ‘ગુમ હૈ કિસી કે પ્યાર મે’માં જોવા મળશે. આ શોનો પ્રોમો રિલીઝ કરવામાં આવ્યો છે. જેમાં રેખા યે ગુમ હૈ કિસી કે પ્યાર મેં ગુનગુનાતી જોવા મળે છે.
રેખા આ પ્રોમોમાં કહેતી જોવા મળે છે, ‘આ ગીત મારા હૃદયની ખૂબ નજીક છે. તેમાં એક રહસ્ય છુપાયેલું છે કે જ્યાં પ્રેમ વ્યક્ત કરવામાં આવે છે પરંતુ તેને નામ લેવાની મંજૂરી નથી. જ્યારે સવાર-સાંજ કોઈના પ્રેમમાં દિલ ગુમ થઈ જાય છે, તો પછી પ્રેમ પૂજા થઈ જાય છે. વિરાટની આ લવ સ્ટોરી છે, જે પોતાના ફરજના માર્ગે ચાલતા સમયે પોતાના પ્રેમનો બલિદાન આપે છે. વિરાટ આજે પણ પ્રેમની રાહ જોઇ રહ્યો છે.
આપને જણાવી દઈએ કે આ શો એકતા કપૂરના શો ‘કસૌટી જિંદગી 2’ને રિપ્લેસ કરશે. શોનો છેલ્લો એપિસોડ 3 ઓ ક્ટોબરે પ્રસારિત થશે. પાર્થ સમથાન, એરિકા ફર્નાન્ડીઝ, જેમણે મુખ્ય ભૂમિકા ભજવી હતી, અને કેટલાક અન્ય લોકોએ આ શો છોડી દેવાનો નિર્ણય કર્યો હતો. જે બાદ નિર્માતાઓએ ઓછી ટીઆરપી બાદ શો બંધ કરવાનો નિર્ણય કર્યો હતો.
રેખા લગભગ 2 વર્ષ પછી સ્ક્રીન પર પોતાનો કમબેક કરી રહી છે. તે છેલ્લે ‘યમલા પગલા દીવાના ફિર સે’માં જોવા મળી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.