ચીનના વુહાન પ્રાંતમાંથી ઉદ્ભવતા કોરોના વાયરસ અત્યાર સુધી 200 થી વધુ દેશોને અસર કરી ચુક્યો છે. પરંતુ, આ રોગચાળાને લીધે જે દેશોને સૌથી વધુ અસર થઇ છે તેમાં સુપર પાવર દેશ અમેરિકા અને ઇટાલી જેવા દેશોનો સમાવેશ થાય છે. દરમિયાન, યુએસ રાષ્ટ્રપતિ ડોનાલ્ડ ટ્રમ્પે ડબ્લ્યુએચઓનાં ડાયરેક્ટર જનરલ ટેડ્રોસ ગેબ્રેયેસીયસને એક પત્ર લખ્યો છે, જેમાં તેમણે ડબ્લ્યુએચઓને ભંડોળને લઇને ચેતવણી આપી છે.

પોતાના પત્રમાં, ડોનાલ્ડ ટ્રમ્પે ટેરોસ એડહાનોમ ગેબ્રેયેસીયસને 30 દિવસની અંદર કોરોનાથી ઉત્પન્ન હાલતમાં મોટા ફેરફારોની ડેડલાઇન આપી છે. યુએસ પ્રમુખ ટ્રમ્પે ડબ્લ્યુએચઓને ચેતવણી આપી છે કે જો 30 દિવસની અંદર ચાલુ પરિસ્થિતિમાં કોઈ મોટા સુધારા કરવામાં ન દેખાયા તો તેઓ કાયમી ધોરણે વર્લ્ડ હેલ્થ ઓર્ગેનાઇઝેશનને ભંડોળ બંધ કરી દેશે અને યુએસ ડબ્લ્યુએચઓનાં સભ્ય બની રહેવા પર વિચાર કરશે. રાષ્ટ્રપતિ ટ્રમ્પે એડહાનોમ ગ્રેબેયેસીયસને મોકલેલા પત્રનો ફોટો પોતાના ટ્વીટર પર શેર કર્યો છે.

આપને જણાવી દઈએ કે, યુએસ રાષ્ટ્રપતિ ડોનાલ્ડ ટ્રમ્પ આ વાયરસને કારણે ચીન અને વિશ્વ આરોગ્ય સંગઠન (ડબ્લ્યુએચઓ) પર સતત હુમલો કરી રહ્યા છે. આપને જણાવી દઇએ કે, ડોનાલ્ડ ટ્રમ્પનું માનવું છે કે, વર્લ્ડ હેલ્થ ઓર્ગેનાઇઝેશનએ આ રોગચાળાની ગંભીરતા વિશે અગાઉ વિશ્વને જાગૃત કર્યું નથી, જેના કારણે રોગચાળો વિશ્વને પોતાની પકડમાં લઈ ગયો છે. વળી, યુ.એસ.એ પણ ડિસેમ્બરમાં ફેલાયેલા વાયરસ અંગેનાં ડબ્લ્યુએચઓનાં અહેવાલ પર આંધળો વિશ્વાસ કર્યો અને સતત આવી રહેલા અહેવાલોની અવગણના કરી, જેના કારણે દેશમાં આ પરિસ્થિતિઓ ઉભી થઈ છે.

યુએસ રાષ્ટ્રપતિ કહે છે કે, ડબ્લ્યુએચઓ ને યુએસ તરફથી સૌથી વધુ ભંડોળ આપવામાં આવે છે, પરંતુ ડબ્લ્યુએચઓએ આ રોગચાળા વિશે યુ.એસ.ને પણ જણાવ્યું ન હતું. આવી સ્થિતિમાં, ડોનાલ્ડ ટ્રમ્પે 14 એપ્રિલનાં રોજ વર્લ્ડ હેલ્થ ઓર્ગેનાઇઝેશનનું ભંડોળ રદ કર્યું હતું. પરંતુ, શનિવારે ફરી તેમણે કહ્યું કે યુએસ વર્લ્ડ હેલ્થ ઓર્ગેનાઇઝેશનની અનેક દરખાસ્તો પર વિચારણા કરી રહ્યું છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.