અમેરિકન રાષ્ટ્રપતિ ડોનાલ્ડ ટ્રમ્પ કોરોના સંક્રમણથી ઠીક થઇ ગયા છે અને તેમને હોસ્પિટલમાંથી રજા આપવામાં આવી છે. ડોનાલ્ડ ટ્રમ્પે પોતે ટ્વીટ કરીને આ માહિતી આપી હતી. ડોનાલ્ડ ટ્રમ્પે ટ્વિટ કરીને લખ્યું છે કે આજે હું 6.30 વાગ્યે મેડિકલ સેન્ટરથી નીકળી જઇશ. ખરેખર ખૂબ સારું લાગે છે કોવિડથી ડરશો નહીં, તેને તમારા જીવન પર વર્ચસ્વ ન જમાવા દો. અમે ટ્રમ્પ વહીવટ હેઠળ કેટલીક ખૂબ સારી દવાઓ અને માહિતી તૈયાર કરી છે, હું આજે 20 વર્ષ પહેલાં જેવું અનુભવ કરતો હતો તેના કરતા વધુ યોગ્ય અનુભવ કરુ છું.

અહેવાલ મુજબ ડોનાલ્ડ ટ્રમ્પ હજી સંપૂર્ણ રીતે સ્વસ્થ થયા નથી, પરંતુ તે ઘરે જવા સક્ષમ છે. રાષ્ટ્રપતિનું ઓક્સિજન સ્તર સામાન્ય છે અને તેમને વ્હાઇટ હાઉસ ખાતે રેમેડિસિવરનો પાંચમો ડોઝ આપવામાં આવશે. આપને જણાવી દઈએ કે, ચાર દિવસ પહેલા કોરોના ચેપ લાગ્યા બાદ ડોનાલ્ડ ટ્રમ્પને હોસ્પટલમાં દાખલ કરવામાં આવ્યા હતા. જણાવી દઈએ કે તાજેતરમાં યુએસ પ્રમુખ ડોનાલ્ડ ટ્રમ્પ અને તેમની પત્ની મેલાનિયા ટ્રમ્પ કોરોના પોઝિટિવ હોવાનું જાણવા મળ્યું છે. પહેલા વ્હાઇટ હાઉસમાં બંને એકલા થઈ ગયા હતા, પરંતુ બાદમાં ટ્રમ્પની હાલત વધુ કથળી હતી. જે બાદ તેમને હોસ્પિટલમાં દાખલ કરવા પડ્યા હતા. આ સમય દરમિયાન, તેમના લોહીમાં ઓક્સિજનનો અભાવ હતો.

નોંધપાત્ર વાત એ છે કે ટ્રમ્પને વોલ્ટર રીડ લશ્કરી સેન્ટરમાં દાખલ કરવામાં આવ્યા હતા, ત્યારબાદ તેઓ તેમની બુલેટપ્રૂફ કારમાં રવાના થયા હતા. આ પછી તે થોડે દુર ગયા અને કારની અંદરથી સમર્થકોનું અભિવાદન કર્યુ. નિષ્ણાંતોનું કહેવું છે કે, ટ્રમ્પે આ તેમના પોતાના વહીવટ દ્વારા જાહેર કરાયેલા જાહેર આરોગ્ય નિર્દેશોનું ઉલ્લંઘન કર્યું હતું. 15 ઓક્ટોબરનાં રોજ, ડોનાલ્ડ ટ્રમ્પ માયામીમાં રાષ્ટ્રપતિની ચૂંટણી અંગેનાં બીજા તબક્કાની ચર્ચામાં ભાગ લેશે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.