નેપાળની સંસદનું નીચલું ગૃહ, બે દિવસ પહેલાં, એક નકશો પસાર કરવામાં આવ્યો છે, જેમાં ભારતનો ભાગ નેપાળની સરહદમાં બતાવવામાં આવ્યો છે. હવે સાંસદ સરિતા ગિરીના ઘરે હુમલો થયો હોવાના સમાચાર મળી રહ્યા છે, જેમણે આ નકશાનો વિરોધ કર્યો હતો. નેપાળની સમાજવાદી પાર્ટીના નેતા સરિતાએ નવા નકશાને પસાર કરવા માટે બંધારણમાં કરેલા સુધારાનો સખત વિરોધ કર્યો.

નેપાળની મીડિયાનાં અહેવાલો અનુસાર, સરિતા ગિરીનાં વિરોધને રાષ્ટ્રવિરોધી ગણાવીને દેશ છોડવાની ધમકી આપવામાં આવી છે. તેમના ઘરની બહાર કાળા ઝંડા લગાવવામાં આવ્યા છે અને મલી રહેલી માહિતી અનુસાર, પોલીસ ફરિયાદ કર્યા પછી પણ તેની મદદ માટે પહોંચી ન હોતી. સરિતા ગિરી નેપાળ સદભાવના પાર્ટી (આનંદીદેવી) નાં નેતા છે. જે પાર્ટીની શરૂઆત 2008 માં થઈ હતી. સરિતાએ નકશામાં ફેરફાર અંગે બંધારણ સુધારણા બિલનો સખત વિરોધ કર્યો હતો. બંધારણ સુધારણાનાં પ્રસ્તાવ પર પોતાની અલગ સુધારણાની દરખાસ્ત મૂકીને ગિરીએ તેને રદ કરવાની માંગ કરી. મંગળવારે નેપાળનાં નાયબ વડા પ્રધાન અને સંરક્ષણ પ્રધાન ઇશ્વર પોખરૈલની વાટાઘાટોનાં પ્રસ્તાવનાં થોડા કલાકો બાદ, નેપાળની સંસદે દેશનાં નવા ‘વિવાદિત‘ રાજકીય નકશા માટે બંધારણીય સુધારાની દરખાસ્ત પસાર કરી.

તેમણે સ્પષ્ટ કહ્યું હતું કે, ચીનનાં ઇશારે નેપાળ નકશામાં પરિવર્તન લાવવા માંગે છે. સરિતા ગિરીએ એવો દાવો પણ કર્યો હતો કે નેપાળનાં લોકો પોતે નકશાને લઈને ભારત સાથે કોઈ વિવાદ ઇચ્છતા નથી. તેમનો અભિપ્રાય હતો કે નકશો બહાર પાડતા પહેલા નેપાળે ભારત અને ચીન સાથે વાતચીત કરી લેવી જોઈએ. સરિતા ગિરીનાં નેપાળ વિરોધી વલણને પગલે તેની સામે કડક કાર્યવાહી કરવાની માંગ કરવામાં આવી રહી છે. નેશનલ યુથ એસોસિએશન (એનવાયએ) એ એક નિવેદન બહાર પાડ્યું છે. પાર્ટીનું કહેવું છે કે સરિતા સામે દેશની ભાવનાઓને ઠેસ પહોંચાડવા બદલ પગલાં લેવા જોઈએ. એનવાયએએ તેને સંસદમાંથી તાત્કાલિક બરતરફ કરવાની માંગ પણ કરી હતી. હવે તેની પાર્ટીએ પણ તેમને વિવાદથી દૂર કરી દીધા છે. પાર્ટીએ સરિતાને તેના સુધારાની દરખાસ્ત પાછો ખેંચવાનો આદેશ આપ્યો છે. જે નકશા પસાર થયા છે તેમાં નેપાળમાં લીપુલેખ, કલાપાની અને લિમ્પીયાધુરા બતાવવામાં આવ્યા છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.