બાબરી મસ્જિદ ધ્વંશ કેસમાં સોમવારે તમામ કાનૂની કાર્યવાહીનો અંત આવશે, જ્યારે તમામ 32 આરોપીઓ દાયકાઓ જુના મામલામાં પોતાનો લેખિત જવાબ આપશે. સીબીઆઈની વિશેષ અદાલતના ન્યાયાધીશ સુરેન્દ્ર કુમાર યાદવે બાબરી મસ્જિદ તોડવાના કેસમાં તમામ 32 આરોપીઓ માટે 31 ઓગસ્ટની અંતિમ તારીખ નક્કી કરી છે.
કોર્ટે તમામ આરોપીઓને પોતાનો જવાબ રજૂ કરવા માટે બે એક્સ્ટેંશન આપી દીધા છે. સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) એ પહેલાથી જ સીબીઆઈ કોર્ટમાં પોતાનો લેખિત જવાબ રજૂ કરી દીધો છે.
એડ્વોકેટ કે.કે.મિશ્રાએ કહ્યું કે સીબીઆઈ કોર્ટે બાબરી મસ્જિદ તોડવાના કેસમાં જવાબ ફાઇલ કરવા 31 ઓગસ્ટની અંતિમ તારીખ જારી કરી હતી. હું સોમવારે જવાબ દાખલ કરીશ. તમને જણાવી દઈએ કે કે કે મિશ્રા આ કેસમાં 32 આરોપી પૈકી 25 ની રજૂઆત કરી રહ્યા છે. મિશ્રા અયોધ્યા કેસમાં ભાજપના વરિષ્ઠ નેતાઓ લાલકૃષ્ણ અડવાણી, મુરલી મનોહર જોશી અને કલ્યાણ સિંઘનું પ્રતિનિધિત્વ કરી રહ્યા છે.
આ મહિનાની શરૂઆતમાં સુપ્રીમ કોર્ટે લખનૌમાં બાબરી મસ્જિદ તોડવાના કેસની સુનાવણી કરતી સીબીઆઈની વિશેષ અદાલતની મુદત એક મહિના વધારીને 30 સપ્ટેમ્બર કરી હતી. હવે, સીબીઆઈ કોર્ટ 30 સપ્ટેમ્બરના રોજ અથવા તે પહેલાં આ કેસમાં ચુકાદો સંભળાવશે. અગાઉ આ તારીખ 31 ઓગસ્ટ હતી.
વકીલ કે.કે. મિશ્રાએ કહ્યું, “સુપ્રીમ કોર્ટે બાબરી મસ્જિદ તોડવાના કેસમાં ચુકાદો જાહેર કરવા માટે વિશેષ સીબીઆઈ કોર્ટ (અયોધ્યા કેસ) ની મુદત 30 સપ્ટેમ્બર સુધી વધારી દીધી છે.”
9 નવેમ્બરના રોજ, ભારતના તત્કાલીન મુખ્ય ન્યાયાધીશ રંજન ગોગોઈના નેતૃત્વમાં સુપ્રીમ કોર્ટની બંધારણીય બેંચે દાયકાઓ જૂના રામ જન્મભૂમિ-બાબરી મસ્જિદ વિવાદમાં રામ મંદિરની તરફેણમાં ચુકાદો આપ્યો. સર્વોચ્ચ અદાલતના નિર્દેશ પર, કેન્દ્ર સરકારે અયોધ્યામાં રામ મંદિર નિર્માણ માટે શ્રી રામ જન્મભૂમિ તીર્થક્ષેત્ર ટ્રસ્ટની પણ રચના કરી છે. વડા પ્રધાન નરેન્દ્ર મોદીએ ઐતિહાસિક ભૂમિ પર રામ મંદિરનો શિલાન્યાસ કર્યો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
