રિયાલિટી શો બિગ બોસની સીઝન 14 ને લઇને ચાહકોમાં જબરદસ્ત ક્રેઝ છે. દરેક વ્યક્તિ આતુરતાથી સલમાન ખાનના શોની રાહ જોઈ રહ્યા છે. એવું કહેવામાં આવી રહ્યું છે કે નિર્માતાઓએ આ વખતે બિગ બોસ થીમનું લોકડાઉન રાખ્યું છે. દરમિયાનમાં સમાચાર આવ્યા છે કે શોના સેટ પર ડોકટરોની ટીમ આવી પહોંચી છે.
એક ન્યુઝ પોર્ટલના સમાચાર મુજબ, ‘બિગ બોસ 14’ ના સેટ પર ડોકટરોની ટીમ નિરીક્ષણ કરવા માટે આવી હતી કે શું નિર્માતાઓએ કોરોનાને ધ્યાનમાં રાખીને જરૂરી સાવચેતી લીધી છે કે નહીં. અહેવાલમાં જણાવાયું છે કે ઘણાં સ્પર્ધકોએ ‘બિગ બોસ’ ના ઘરે લાંબા સમય સુધી સાથે રહેવું પડતું હતું, તેથી ડોક્ટરોએ પુષ્ટિ આપી હતી કે સેટ પર કોરોનાને બચાવવા માટે પૂરતી વ્યવસ્થા છે કે નહીં.
જો અહેવાલોનું માનવામાં આવે તો, ‘બિગ બોસ 14’ હવે સપ્ટેમ્બરને બદલે ઓક્ટોબરમાં શરૂ થશે. તેનું કારણ મુંબઈમાં ભારે વરસાદ હોવાનું જણાવાયું છે. એવું પણ કહેવામાં આવ્યું હતું કે ભારે વરસાદને કારણે ‘બિગ બોસ’ના સેટને ખૂબ મુશ્કેલી વેઠવી પડી હતી, તેથી શો એક મહિના આગળ ધપાવવામાં આવ્યો છે.
નોંધપાત્ર વાત એ છે કે, ‘બિગ બોસ 14’ ના સ્પર્ધકો માટે જસમીન ભસીન, પવિત્ર પુનિયા, ઇજાઝ ખાન અને નૈના સિંહના નામ સામે આવ્યા છે. બધા સ્પર્ધકોને પહેલા ક્વોરેંટાઇન્ડ કરવામાં આવશે, ત્યારબાદ શોમાં એન્ટ્રી આપવામાં આવશે. આખા ઘરની સફાઇ કરવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
