રાજકોટના ઉપલેટા તાલુકાના વાડલા ગામમાં સસ્તા અનાજની દુકાનમાં છેલ્લા ઘણાં સમયથી ગરીબ લોકોને રાશનનું અનાજ આપવાને બદલે બારોબાર વહેંચી નાખવામાં આવતો હતો… ગ્રામજનોને રાશનકાર્ડ દિઠ પુરતો અનાજનો પુરવઠો ન મળતા ગ્રામજનો દ્વારા અનેક રજૂઆતો કરવામાં આવી હતી.. રજુઆત કરવા છતા અનાજની દુકાનદાર સામે તંત્ર દ્વારા કોઈ કાર્યવાહી ન કરવામાં આવતા ગ્રામજનોમાં રોષ જોવા મળ્યો હતો.. રોષે ભરાયેલા ગ્રામજનોએ સસ્તા અનાજની દુકાનનો દુકાનનો સંચાલક આશિષ તનસુખલાલ કાટકોરીયા સસ્તા અનાજનો માલ ગોંડલ માર્કેટ યાર્ડમાં વહેંચાણ માટે જતો હોવાની જાણ થતાં જ ગ્રામજનોએ 50 કિલો ઘઉના 49 કટ્ટાઓ ભરેલ ટેમ્પો અને તેમનો ડ્રાઈવર સહિત 2 મજૂરોને રગેહાથ ઝડપી પાડ્યા હતા.. આ ઘટનાની જાણ થતા મામલતદાર સહિતના પોલીસના અધિકારીઓ ઘટના સ્થળે દોડી આવ્યા હતા.. પોલીસે ઘટના સ્થળથી ટેમ્પો, ઘઉ સહિતનો મુદામાલ કબ્જે કરીને આગળની કાર્યવાહી હાથ ધરી હતી…