Deepak Chahar wife fraud: ભારતીય ક્રિકેટ ટીમના પ્લેયર દીપક ચાહરની પત્ની જયા ભારદ્વાજે હૈદરાબાદ ક્રિકેટ એસોસિએશનના ભૂતપૂર્વ અધિકારી અને તેના પુત્ર પર છેતરપિંડીનો આરોપ લગાવ્યો છે. આરોપીની પેઢી આગ્રામાં પરીખ સ્પોર્ટ્સ એન્ડ શોપના નામથી ચાલે છે. આરોપ છે કે પિતા-પુત્રની જોડીએ જૂતાના વ્યવસાયમાં ભાગીદારીના નામે 10 લાખ રૂપિયાની છેતરપિંડી કરી હતી. અહીંના હરિપર્વત પોલીસ સ્ટેશનમાં કેસ નોંધવામાં આવ્યો છે.
શાહગંજ પોલીસ સ્ટેશન વિસ્તારના માનસરોવર કોલોનીમાં રહેતા દીપક ચહરના પિતા લોકેન્દ્ર ચહરે પોલીસને જણાવ્યું કે, તેમની પુત્રવધૂ જયા ભારદ્વાજે પરીખ સ્પોર્ટ્સ એન્ડ શોપના માલિક ધ્રુવ પરીખ મારફતે ઓનલાઈન કાનૂની કરાર કર્યો હતો. તેના પિતા કમલેશ પરીખના ફૂટવેર બિઝનેસમાં ભાગીદારી માટે સંજય પ્લેસમાંથી નેટ બેન્કિંગ દ્વારા આરોપીઓને 10 લાખ આપ્યા હતા. આ પછી, તેનો ઇરાદો બગડી ગયો અને તેણે પૈસા પડાવી લીધા. ફરિયાદમાં જણાવાયું છે કે આરોપી કમલેશ પરીખ હૈદરાબાદ ક્રિકેટ એસોસિએશનમાં રાજ્યની ક્રિકેટ ટીમોના ભૂતપૂર્વ મેનેજર રહી ચૂક્યો છે, જ્યારે ધ્રુવ પરીખ આગ્રાના એમજી રોડ પર પરીખ સ્પોર્ટ્સ નામની પેઢી ચલાવે છે. પૈસા પાછા માંગવા પર આરોપીઓ તેમની ઉચ્ચ પહોંચ બતાવીને ધમકીઓ આપી રહ્યા છે. હરિપર્વત પોલીસ મથકે ગુનો નોંધી તપાસ હાથ ધરી છે.
આ પણ વાંચો: Raghavji Patel/ ગુજરાતમાં ચણાના ખરીદી મર્યાદા વધારવાની કૃષિ મંત્રી રાઘવજી પટેલની માંગ
