બાંગ્લાદેશમાં 5 વર્ષીય માસૂમની જઘન્ય હત્યાને લઈને ચોંકાવનારા પુરાવા હાથ લાગ્યા છે. પોલીસને અલીનાનું કપાયેલું માથું પેકેટમાં વીંટાળેલું જોવા મળે છે. ચટોગ્રામમાં ખંડણી માટે અપહરણ કર્યા બાદ બાળકીની હત્યા કરીને તેના શરીરના ટુકડા કરી દેવામાં આવ્યા હતા. પીબીઆઈના ઈન્સ્પેક્ટર ઈલિયાસ ખાને જણાવ્યું હતું કે ગુરૂવારે (1 ડિસેમ્બર) બંદર શહેરમાં અકબર અલી ઘાટ નજીકથી મળેલા પેકેટમાંથી વીંટાળેલું માથું મળી આવ્યું હતું. કાયદા અમલીકરણ અધિકારીઓએ બુધવારે અલીનાના કપાયેલા પગ મેળવ્યા હતા.
બાળકીના 6 ટુકડા કરી ફેંકી દેવામાં આવ્યા હતા
અલીના નોયારહાટના રહેવાસી સોહેલ રાણાની પુત્રી હતી. આરોપી 20 વર્ષીય અબીર અલીએ કથિત રીતે બાળકીના શરીરના છ ટુકડા કરી નાખ્યા હતા. અગાઉ તેણે બાળકીનું ગળું દબાવીને દરિયામાં ફેંકી દીધી હતી. આરોપી તેના પરિવાર સાથે સોહેલના મકાનમાં ભાડુઆત તરીકે રહેતો હતો.
સ્થાનિક મસ્જિદમાં અરબી ભણવા માટે ઘરેથી નીકળ્યા બાદ અલીના 14 નવેમ્બરે ગુમ થઈ ગઈ હતી. પરિવારે EPZ પોલીસમાં જનરલ ડાયરી (લેખિત ફરિયાદ) નોંધાવી અને PBIને તેણીને શોધી કાઢવા વિનંતી કરી.
પીબીઆઈ દ્વારા અબીરને પૂછપરછ માટે કસ્ટડીમાં લેવામાં આવ્યો હતો. સીસીટીવી કેમેરાના ફૂટેજમાં દેખાઈ રહ્યું છે કે તે છોકરીને તેના ઘરે લઈ ગયો હતો, ત્યાર બાદ કોઈએ અલીનાને બહાર આવતી જોઈ નથી.
પૂછપરછ દરમિયાન, અબીરે હત્યામાં તેની ભૂમિકાની કબૂલાત કરી અને કહ્યું કે તેણે અલીનાના શરીરના છ ટુકડા કરી દીધા હતા અને તેને અલગ-અલગ જગ્યાએ પેકેટમાં નાખી દીધા હતા.
પીબીઆઈ અધિકારીએ શંકાસ્પદ વ્યક્તિને ટાંકીને જણાવ્યું હતું કે છોકરીનું માથું અને પગ સ્લુઈસ ગેટ વિસ્તારની નજીકના પાણીમાં ફેંકવામાં આવ્યા હતા. જ્યારે શરીરના અન્ય ભાગો દરિયામાં ફેંકી દેવાયા હતા.
પોલીસ બ્યુરો ઓફ ઇન્વેસ્ટિગેશન (PBI) એ જણાવ્યું હતું કે પાંચ વર્ષની અલીના ઇસ્લામ આયતનો અન્ય વિકૃત શરીરનો ભાગ, જેની ચિટગોંગના EPZ પોલીસ સ્ટેશન વિસ્તારમાં ગુમ થયા બાદ હત્યા કરવામાં આવી હતી, ગુરુવારે સવારે મળી આવ્યો હતો.
PBI ઇન્સ્પેક્ટર ઈલિયાસ ખાને જણાવ્યું હતું કે EPZ પોલીસ સ્ટેશન હેઠળ અકમલ અલી રોડ પર સ્લુઇસ ગેટને અડીને આવેલા ગટરમાંથી સવારે 10 વાગ્યે માથું મળી આવ્યું હતું.
તપાસ અધિકારી અને પીબીઆઈ ઈન્સ્પેક્ટર મનોજ કુમાર ડેએ જણાવ્યું કે પીબીઆઈની ટીમે સવારથી જ શરીરના બાકીના ભાગને પુનઃપ્રાપ્ત કરવા માટે ઓપરેશન શરૂ કર્યું.
PBIએ દાવો કર્યો હતો કે આરોપી અબીરે આયતની હત્યા કર્યાની કબૂલાત કરી છે. તેણે 15-20 લાખની ખંડણી વસૂલવા બાળકીનું અપહરણ કર્યું હતું. પછી ડરના કારણે તેણે તેનું ગળું દબાવી દીધું.
પોલીસે અબીરને શનિવારે પ્રથમ વખત બે દિવસના રિમાન્ડ પર લીધો હતો. ત્યારે પીબીઆઈએ અકમલ અલી રોડની બાજુમાં સાગરપાર વિસ્તારમાં આયતની સડી ગયેલી લાશને બહાર કાઢવા માટે સ્ટિંગ ઓપરેશન હાથ ધર્યું હતું. ત્યારબાદ સોમવારે બીજા તબક્કામાં અબીરને સાત દિવસના રિમાન્ડ પર લેવામાં આવ્યો હતો. બીજા તબક્કાના રિમાન્ડના પ્રથમ દિવસે મંગળવારે કોર્ટે અબીરના માતા-પિતાને ત્રણ દિવસના રિમાન્ડ પર આપ્યા હતા.
આ પણ વાંચો: બપોરે બે વાગ્યા સુધી સરેરાશ 34.48 ટકા મતદાન, જાણો ક્યાં કેટલું થયું વોટિંગ
આ પણ વાંચો: ચૂંટણી પહેલા રેકોર્ડ 750 કરોડની સંપત્તિ કરાઈ જપ્ત
આ પણ વાંચો: રાહુલ ગાંધીનું સોફ્ટ હિંદુત્વ મધ્યપ્રદેશમાં ફરી સત્તામાં કરશે વાપસી? જીતનો રસ્તો શોધી રહી છે કોંગ્રેસ
