જીપ ઇન્ડિયાએ ભારતમાં 2021 જીપ કંપાસ ફેસલિફ્ટ લોન્ચ કરી છે. આ લક્ઝુરિયસ એસયુવીની કિંમત 16.99 લાખ રૂપિયાથી શરૂ થાય છે અને 28.29 લાખ (એક્સ-શોરૂમ, દિલ્હી) સુધી છે. 2017માં શરૂ થયા પછી, જીપ કંપાસ ભારતની કંપનીનો મુખ્ય આધાર રહ્યો છે. ભારત 2021 જીપ કંપાસ માટે વૈશ્વિક સ્તરે બીજું બજાર છે.
2021 મોડેલની ડેશબોર્ડની ડિઝાઇન સંપૂર્ણપણે નવી છે અને તેમાં 10.1-ઇંચની ટચસ્ક્રીન તેમજ એપલ કાર્પ્લે અને એન્ડ્રોઇડ ઓટો સાથે નવી યુકનેક્ટ 5 સિસ્ટમ આપવામાં આવી છે. અન્ય સુવિધાઓમાં વેન્ટિલેટેડ સીટ, વાયરલેસ ચાર્જિંગ, સંપૂર્ણ ડિજિટલ ઇન્સ્ટ્રુમેન્ટ કન્સોલ અને નવો 360-ડિગ્રી પાર્કિંગ કેમેરો સામેલ છે. જીપમાં કાર- કંન્ટ્રોલ માટે નવી નોબ અને બટન સાથે પ્રીમિયમ સોફ્ટ-ટચ મટિરીયલનો પણ ઉપયોગ કરવામાં આવ્યો છે.
તે હ્યુન્ડાઇ ટકસન, ટાટા હેરિયર અને એમજી હેક્ટર સાથે હરિફાઇમાં ઉતરશે. 2021ની કંપાસ એસયુવી વિશેની સૌથી અગત્યની વસ્તુ તેની સ્ટાઇલ અને ઘણી મહત્વપૂર્ણ સુવિધાઓ કહેવામાં આવી રહી છે, જેના કારણે તે તેના સેગમેન્ટમાં અન્ય મોટા વાહનોને પાછળ છોડી શકે છે.
ડેશબોર્ડ ડિઝાઇનમાં અપડેટ્સ
એસયુવીમાં તમને સ્લોટ ગ્રિલ, ટ્રેપેઝોઇડલ વ્હીલ આર્ક, રિફ્લેક્ટર અને એલઇડી પ્રોજેક્ટરવાળી હેડલાઇટ આપવામાં આવે છે. મજબૂત લૂક માટે, કંપનીએ ડેશબોર્ડ ડિઝાઇનને અપડેટ કરી છે. ગ્રાહકો અહીં ડ્યુઅલ ટોન અને સંપૂર્ણ ફ્લેગ કોમ્બિનેશન વચ્ચેના કોઈપણ પ્રકારને પસંદ કરી શકે છે. વાહનમાં નવું સ્ટીયરિંગ વ્હીલ અને અપડેટ પેનલ છે.
એફસીએ ઇન્ડિયા કહે છે કે તમામ મુસાફરો 20 ઇંચથી વધુ ડિજિટલ સ્ક્રીન જગ્યાનો આનંદ માણી શકે છે. સુરક્ષાની દ્રષ્ટિએ, તેમાં ઇલેક્ટ્રોનિક પાર્કિંગ બ્રેક, હિલ હોલ્ડ અને હિલ ડિસેન્ટ કંટ્રોલ, 6 એરબેગ્સ જેવી 50થી વધુ સુવિધાઓ સામેલ છે.
