Bangladesh News: બાંગ્લાદેશના ભૂતપૂર્વ વડા પ્રધાન શેખ હસીના Shekh Hasina, તેમના ભૂતપૂર્વ કેબિનેટ સાથીદાર અને ઉચ્ચ પોલીસ અધિકારીઓ વિરુદ્ધ ઓછામાં ઓછા પાંચ વધુ હત્યાના કેસ નોંધવામાં આવ્યા છે. આ કેસો પછી (હસીના) સામે નોંધાયેલા કેસની સંખ્યા વધીને 49 થઈ ગઈ છે. એક એહેવાલ મુજબ પાંચ કેસમાંથી ત્રણ ઢાકામાં નોંધાયા હતા, જ્યારે નરસિંગદી અને બોગુરામાં બે-બે કેસ નોંધાયા હતા. શેખ હસીના સામે નોંધાયેલા 49 કેસોમાં 40 હત્યાના, સાત માનવતા અને નરસંહારના ગુના, એક અપહરણનો અને એક બાંગ્લાદેશ નેશનાલિસ્ટ પાર્ટી (BNP)ના સરઘસ પર હુમલાનો સમાવેશ થાય છે.
ઢાકાના આશુલિયામાં 4 ઓગસ્ટના રોજ વિરોધ પ્રદર્શન દરમિયાન હસીના અને અન્ય 46 લોકો સામે એક શેરી વિક્રેતાની હત્યાનો કેસ નોંધવામાં આવ્યો હતો. ઉત્તર પશ્ચિમ ક્ષેત્રના રહેવાસીએ ઢાકા મેટ્રોપોલિટન મેજિસ્ટ્રેટ મૈનુલ ઈસ્લામની કોર્ટમાં હસીના અને અન્ય 32 લોકો વિરુદ્ધ 5 ઓગસ્ટના રોજ એરપોર્ટ વિસ્તારમાં ધોરણ 12 ની વિદ્યાર્થીનીના મૃત્યુના સંબંધમાં બીજો કેસ દાખલ કર્યો હતો. મોહમ્મદપુરના રહેવાસીએ ઢાકા મેટ્રોપોલિટન મેજિસ્ટ્રેટ રાજેશ ચૌધરીની કોર્ટમાં 19 જુલાઈએ શહેરમાં 23 વર્ષના યુવકની હત્યાના સંબંધમાં હસીના અને અન્ય 67 વિરુદ્ધ ફરિયાદ દાખલ કરી હતી. નરસિંગડીમાં 19 જુલાઈના રોજ ભેદભાવ વિરોધી વિદ્યાર્થી આંદોલન દરમિયાન એક વેપારીની હત્યાના સંબંધમાં હસીના અને અન્ય 81 લોકો વિરુદ્ધ હત્યાનો કેસ નોંધવામાં આવ્યો છે.
બોગુરામાં 2018 માં બીએનપી નેતાના અપહરણ અને હત્યાના કેસમાં શેખ હસીના, તેની બહેન શેખ રેહાના, પુત્ર સજીબ વાજેદ જોય, પુત્રી સાયમા વાજેદ પુતુલ અને અન્ય 76 લોકો સામે કેસ દાખલ કરવામાં આવ્યો છે. સરકાર વિરોધી વિરોધ વચ્ચે હસીનાએ પોતાના પદ પરથી રાજીનામું આપી દીધું હતું અને 5 ઓગસ્ટે ભારત ગઈ હતી.
આ પણ વાંચો:બ્રિટનમાં રમખાણો, ચાઈલ્ડ કેર એજન્સીએ બાળકોને માતાપિતાથી દૂર કરતા વિરોધ
આ પણ વાંચો:ફ્લાઈટમાં પેસેન્જરના માથામાં લોહી વહી રહ્યું હતું, ફરિયાદ કરી તો ક્રૂ સાથે કર્યુ ગેરવર્તન
આ પણ વાંચો:PM મોદીએ યુક્રેન યાત્રા પહેલા પોલેન્ડમાં આપ્યો શાંતિ સંદેશ, ‘આ યુદ્ધનો યુગ નથી’
