Ahmedabad Tourist Places: ગરમીની રજાઓ શરૂ થતાં જ દરેકના મનમાં ફેમિલી કે મિત્રો સાથે ક્યાંક ફરવા જવાનો વિચાર આવતો હોય છે. જો તમે આ ઉનાળુ વેકેશનમાં કોઈ એવા ડેસ્ટિનેશનની શોધમાં છો જ્યાં ઐતિહાસિક વારસો અને લેટેસ્ટ ટેકનોલોજીનો અદભુત સમન્વય જોવા મળે, તો તમારે બીજે ક્યાંય જવાની જરૂર નથી. આપણું ‘હેરિટેજ સિટી’ અમદાવાદ હવે ‘સ્માર્ટ સિટી’ બનીને આધુનિક આકર્ષણો સાથે પ્રવાસીઓનું સ્વાગત કરવા માટે સંપૂર્ણપણે તૈયાર છે.

સરકારના મજબૂત વિઝન અને પ્રવાસન લક્ષી ક્રાંતિકારી નિર્ણયોને કારણે, માત્ર એક ઔદ્યોગિક કેન્દ્ર ગણાતું અમદાવાદ આજે આંતરરાષ્ટ્રીય સ્તરનું ‘ટૂરિસ્ટ હબ’ બની ચૂક્યું છે. તો ચાલો જાણીએ આ વેકેશનમાં અમદાવાદના કયા ‘નવીન નજરાણા’ તમારે બિલકુલ ચૂકવા ન જોઈએ:

Ahmedabad : ઝગમગતો સાબરમતી રિવરફ્રન્ટ અને અટલ બ્રિજ

અમદાવાદની શાન ગણાતા સાબરમતી રિવરફ્રન્ટ પર હવે ઘણું નવું ઉમેરાયું છે. સૌથી મોટું આકર્ષણ છે ‘અટલ બ્રિજ’. આ આઇકોનિક ફૂટ-ઓવર બ્રિજ તેની અદભુત ડિઝાઇન માટે આખા દેશમાં જાણીતો બન્યો છે. રાતના સમયે તેની રંગબેરંગી લાઈટિંગ અને ત્યાંથી દેખાતો નદીનો નજારો પ્રવાસીઓનું મન મોહી લે છે.

સાયન્સ સિટી: વિજ્ઞાન અને રોમાંચની નવી દુનિયા

જો તમે બાળકો સાથે અમદાવાદની મુલાકાતે છો, તો સાયન્સ સિટીની મુલાકાત લીધા વિના તમારો પ્રવાસ અધૂરો છે:

એક્વેટિક ગેલેરી: આ ભારતની સૌથી વિશાળ ગેલેરીઓમાંની એક છે. અહીં 28 મીટર લાંબી કાચની શાર્ક ટનલમાંથી પસાર થવાનો રોમાંચ કંઈક અલગ જ છે. તમારી આજુબાજુથી પસાર થતા દરિયાઈ જીવો એક યાદગાર અનુભવ કરાવે છે.

રોબોટિક ગેલેરી: અહીં તમને ભવિષ્યની દુનિયાના દર્શન થશે. રોબોટ દ્વારા ચલાવવામાં આવતું કાફે અને ડાન્સ કરતા રોબોટ્સનું પ્રદર્શન બાળકો અને મોટેરાં સૌને મંત્રમુગ્ધ કરી દે છે.

વિશ્વનું સૌથી મોટું નરેન્દ્ર મોદી સ્ટેડિયમ

મોટેરામાં આવેલું આ વિશાળ ક્રિકેટ સ્ટેડિયમ દુનિયાનું સૌથી મોટું સ્ટેડિયમ છે. જો તમે ક્રિકેટના શોખીન ન હોવ તો પણ, આ સ્ટેડિયમની ભવ્યતા, તેનું ઈન્ફ્રાસ્ટ્રક્ચર અને અત્યાધુનિક લાઈટિંગ સિસ્ટમ એકવાર ચોક્કસ જોવા જેવી છે.

કાંકરિયા લેકફ્રન્ટ: ફેમિલી એન્ટરટેઈનમેન્ટનું હબ

કાંકરિયા તળાવ વર્ષોથી અમદાવાદીઓની પહેલી પસંદ રહ્યું છે. પરંતુ હવે અહીં કિડ્સ સિટી, નવી બાલવાટિકા, પ્રાણી સંગ્રહાલય અને મનપસંદ ટોય ટ્રેનની સાથે સાથે અનેક નવી એડવેન્ચર એક્ટિવિટીઝ પણ ઉમેરવામાં આવી છે, જે તમારા વેકેશનની મજા બમણી કરી દેશે.

અમદાવાદી સ્વાદ: માણેકચોકની ‘ખાઉગલી’ થી સિંધુ ભવન સુધી

અમદાવાદ આવો અને અહીંના ચટાકેદાર ફૂડની મજા ન માણો તો કેમ ચાલે? રાત પડે એટલે માણેકચોકની પ્રખ્યાત ‘ખાઉગલી’ની સોડમ તમને ત્યાં ખેંચી જશે. જો તમે ટ્રેડિશનલ સ્ટ્રીટ ફૂડની જગ્યાએ આધુનિક લાઈફસ્ટાઈલ અને પ્રીમિયમ વાનગીઓનો અનુભવ કરવા માંગતા હોવ, તો નવા ડેવલપ થયેલા સિંધુ ભવન રોડ (SBR) ના શાનદાર કાફે અને રેસ્ટોરન્ટ્સ બેસ્ટ વિકલ્પ છે.

આ પણ વાંચો: ‘વર્લ્ડ હેરિટેજ ડે’ પર જાણો ગુજરાતના અદ્ભુત વારસા સ્થળો વિશે, જે યુનેસ્કોની યાદીમાં સામેલ છે

આ પણ વાંચો: બાલવાટિકામાં વેક્સ મ્યુઝિયમ, બટરફ્લાય ગાર્ડનની ટિકિટનાં દર ઘટશે

આ પણ વાંચો: અમદાવાદવાસીઓ આનંદો! કાંકરિયા તળાવમાં ફરી બોટિંગ શરૂ થશે