Gir Somnath News: સોમનાથ મંદિરે દર્શન માટે રાજસ્થાનથી આવેલા યાત્રાળુઓમાં સામેલ બાળકોની તબિયત (Somnath Food Poisoning) અચાનક બગડતાં ચકચાર મચી ગઈ છે. પ્રાથમિક માહિતી મુજબ, નાસ્તો કર્યા બાદ આશરે 10 જેટલા બાળકોને ઉલ્ટી, પેટમાં દુખાવો અને અન્ય તકલીફો શરૂ થતાં તેમને તાત્કાલિક સારવાર માટે પ્રભાસ પાટણની સરકારી હોસ્પિટલમાં ખસેડવામાં આવ્યા હતા.
Somnath Food Poisoning: નાસ્તા બાદ 10 બાળકોની તબિયત બગડી
માહિતી અનુસાર, બાળકો યાત્રા દરમિયાન શિવશક્તિ નામની હોટલમાં નાસ્તો કરવા રોકાયા હતા. નાસ્તા બાદ થોડા જ સમયમાં બાળકોની તબિયત લથડતાં (Somnath Food Poisoning) તેમની સાથે આવેલા અન્ય યાત્રાળુઓએ તાત્કાલિક આરોગ્ય સેવાઓનો સંપર્ક કર્યો હતો.
પ્રાથમિક અનુમાન મુજબ, પડતર અથવા બગડેલો ખોરાક પીરસવામાં આવ્યો હોવાના કારણે ફૂડ પોઇઝનિંગ (Somnath Food Poisoning) થયું હોવાની શંકા વ્યક્ત કરવામાં આવી રહી છે. જોકે, ફૂડ પોઇઝનિંગનું ચોક્કસ કારણ આરોગ્ય વિભાગની તપાસ અને જરૂરી રિપોર્ટ બાદ જ સ્પષ્ટ થશે.
હાલ તમામ બાળકો પ્રભાસ પાટણની સરકારી હોસ્પિટલમાં ડોક્ટરોની દેખરેખ હેઠળ સારવાર મેળવી રહ્યા છે. તબીબી ટીમ દ્વારા બાળકોના સ્વાસ્થ્ય પર સતત નજર રાખવામાં આવી રહી છે અને તેમની સ્થિતિ સ્થિર હોવાનું પ્રાથમિક રીતે જાણવા મળ્યું છે.
ઘટનાની જાણ થતાં સંબંધિત આરોગ્ય અને સ્થાનિક તંત્ર પણ સક્રિય બન્યું છે. ખોરાકના નમૂનાઓની તપાસ સહિત સમગ્ર ઘટનાની તપાસ શરૂ કરવામાં આવી છે. તપાસ પૂર્ણ થયા બાદ જરૂરી કાયદેસરની કાર્યવાહી કરવામાં આવશે.
આ પણ વાંચો:ગોરખપુરમાં ફૂડ પોઇઝનિંગનો કેસ: તરબૂચ અને મેગી ખાધા બાદ પરિવારના 9 સભ્યો હોસ્પિટલમાં
આ પણ વાંચો:દાહોદના અભલોદ ગામમાં ફૂડ પોઇઝનિંગની ઘટના, લગ્ન ભોજન બાદ 400થી વધુ લોકો બીમાર
