Gujarat News: બોટાદ જિલ્લાના ગ્રામ્ય વિસ્તારોમાં લાંબા વિરામ બાદ મેઘરાજાએ જોરદાર એન્ટ્રી કરતા ખેડૂતોમાં રાહત અને ખુશીની લાગણી જોવા મળી રહી છે. નાગનેશ ગામમાં કડાકા-ભડાકા સાથે ધોધમાર વરસાદ (Botad Rain) વરસતા ખેતરોમાં પાણી ફરી વળ્યા હતા અને સમગ્ર વિસ્તારમાં ચોમાસાનો માહોલ છવાઈ ગયો હતો.
વરસાદ (Botad Rain)ના કારણે છેલ્લા કેટલાક દિવસોથી અનુભવાતી ગરમી અને બફારાથી લોકોને રાહત મળી છે. વરસાદ બાદ વાતાવરણમાં ઠંડક પ્રસરી ગઈ હતી અને ગ્રામ્ય વિસ્તારોમાં હરિયાળીનો માહોલ સર્જાયો હતો.
કિનારા, બરાનીયા અને રાણપુરમાં પણ વરસાદ
નાગનેશ ઉપરાંત કિનારા અને બરાનીયા સહિતના ગામોમાં પણ સારો વરસાદ નોંધાયો હતો. રાણપુર શહેરમાં પણ વરસાદી ઝાપટાં પડતાં શહેર અને આસપાસના વિસ્તારોમાં વાતાવરણ ખુશનુમા બન્યું હતું.
Botad Rain:ખેડૂતો માટે આશીર્વાદ સમાન વરસાદ
ખેડૂતો લાંબા સમયથી વરસાદની રાહ જોઈ રહ્યા હતા. સમયસર થયેલો આ વરસાદ (Botad Rain) વાવેલા પાક માટે લાભદાયી બનશે તેવી આશા વ્યક્ત કરવામાં આવી રહી છે. ખેતરોમાં પાણી પહોંચતા ખેતીને નવું જીવન મળવાની શક્યતા વધી છે.સ્થાનિકોનું કહેવું છે કે આગામી દિવસોમાં પણ સારો વરસાદ ચાલુ રહે તો ચોમાસાની ખેતીને મોટો ફાયદો થશે અને પાણીની સમસ્યામાં પણ રાહત મળશે.
આ પણ વાંચો:બોટાદમાં કાર તણાઈ, 6 લોકો ગુમ; ગઢડામાં 8 ઈંચ વરસાદ નોંધાયો
આ પણ વાંચો:બોટાદમાં વરસાદને કારણે પાકમાં ભારે નુકશાન
આ પણ વાંચો:વડોદરા અને બોટાદમાં ધોધમાર વરસાદ, કડાણા ડેમના 10 દરવાજા ખોલાયા, નવરાત્રીના આયોજકો ચિંતામાં
