Dahod News: દાહોદમાં એક એવી ચોંકાવનારી ઠગાઈનો કિસ્સો સામે આવ્યો છે, જે જાણીતી હિન્દી ફિલ્મ ‘સ્પેશિયલ 26’ની યાદ અપાવે છે. બે શખ્સોએ માત્ર બે દિવસમાં એક સ્મોલ ફાઇનાન્સ બેંક (Fake Bank Fraud)નો સંપૂર્ણ સેટઅપ ઉભો કરીને લોકોનો વિશ્વાસ જીત્યો અને ત્યારબાદ જ્વેલર પાસેથી 200 ગ્રામ સોનું લઈને ફરાર થઈ ગયા. સમગ્ર ઘટનાએ વેપારીઓ અને સ્થાનિકોમાં ભારે ચકચાર મચાવી છે.
Fake Bank Fraud: બે દિવસમાં ઉભી કરી નકલી બેંક
પ્રાથમિક માહિતી અનુસાર, આરોપીઓએ ઉત્કર્ષ સ્મોલ ફાઇનાન્સ બેંકના નામે દુકાન ભાડે રાખી હતી. દુકાનનું ભાડું પણ ચેક દ્વારા ચૂકવવામાં આવ્યું હતું જેથી કોઈને શંકા ન જાય. બેંક (Fake Bank Fraud)નો સંપૂર્ણ સેટઅપ તૈયાર કરવામાં આવ્યો હતો અને જરૂરી ફર્નિચર તથા અન્ય સામાન પણ ચેક મારફતે ખરીદવામાં આવ્યો હતો.
સ્ટાફની ભરતીનું પણ ગોઠવ્યું નાટક
બેંક સંપૂર્ણપણે અસલી લાગે તે માટે આરોપીઓએ નોકરી માટે અરજદારોના ઇન્ટરવ્યૂ પણ ગોઠવ્યા હતા. આ સમગ્ર પ્રક્રિયા દ્વારા સ્થાનિક લોકોમાં વિશ્વાસ ઉભો કરવામાં આવ્યો હતો કે અહીં ખરેખર નવી બેંક શરૂ થઈ રહી છે.
જગન્નાથ રથયાત્રા માટે સોનું માંગ્યું
આરોપીઓએ સ્થાનિક જ્વેલરનો સંપર્ક કરીને જગન્નાથ રથયાત્રામાં દાન આપવા માટે 200 ગ્રામ સોનાની જરૂર હોવાનું જણાવ્યું હતું. વિશ્વાસમાં લીધેલા જ્વેલરે બેંક (Fake Bank Fraud)માં જ સોનું પહોંચાડ્યું હતું.
લોકરમાંથી રૂપિયા આપવાના બહાને ફરાર
જ્યારે સોનાની કિંમત ચૂકવવાનો સમય આવ્યો ત્યારે આરોપીઓએ લોકરમાંથી રોકડ લાવવાની વાત કરી હતી. જોકે, તક મળતાં જ તેઓ પાછળના માર્ગેથી ફરાર થઈ ગયા. ત્યારબાદ સમગ્ર ઠગાઈનો ભાંડો ફૂટ્યો હતો.
પોલીસે તપાસ શરૂ કરી
ઘટનાની જાણ થતાં પોલીસ તાત્કાલિક સક્રિય થઈ હતી. બે આરોપીઓ સામે ગુનો નોંધવામાં આવ્યો છે અને CCTV ફૂટેજ, દસ્તાવેજો તેમજ અન્ય પુરાવાઓના આધારે તેમની શોધખોળ શરૂ કરવામાં આવી છે. પોલીસે સમગ્ર કાવતરાની પાછળ અન્ય કોઈ લોકો સંડોવાયેલા છે કે નહીં તે દિશામાં પણ તપાસ શરૂ કરી છે.
આ પણ વાંચો:વડોદરાના ભાયલીમાં ‘ડિજિટલ અરેસ્ટ’ ઠગાઈનો ભાંડો ફૂટ્યો,ઇન્ડસઇન્ડ બેંકની સતર્કતાથી 16 લાખ બચ્યા
આ પણ વાંચો:અમદાવાદમાં 29 કરોડની સાયબર ઠગાઈનો પર્દાફાશ, OTP વિના બેંક ખાતાં ખાલી કરતી ગેંગ ઝડપાઈ
આ પણ વાંચો:રાજકોટમાં નિવૃત બેંક મેનેજરને સાથે 56 લાખની ઠગાઈનો મામલો
