Aravalli News: અરવલ્લી જિલ્લાના મોડાસા તાલુકાના મડાસણા ગામ નજીક કાર અકસ્માત (Modasa Road Accident)માં એક યુવકના મોત બાદ સ્થાનિકોમાં ભારે રોષ ફાટી નીકળ્યો હતો. અકસ્માત બાદ ગ્રામજનો અને વાહનચાલકોએ રાજેન્દ્ર નગર રોડ પર ચક્કાજામ કરીને અધૂરા રસ્તાના કામ સામે ઉગ્ર વિરોધ નોંધાવ્યો હતો.
સ્થાનિકોનો આક્ષેપ છે કે લાંબા સમયથી રોડનું કામ અધૂરું હોવાથી આ માર્ગ પર વારંવાર અકસ્માતો (Modasa Road Accident) સર્જાઈ રહ્યા છે, છતાં જવાબદાર તંત્ર દ્વારા કોઈ અસરકારક કાર્યવાહી કરવામાં આવી નથી.
ટ્રકને સાઇડ આપતાં કાર ડિવાઇડર સાથે અથડાઈ
મળતી માહિતી મુજબ, ગત રોજ હાઇવે પર ટ્રકને સાઇડ આપવાના પ્રયાસ દરમિયાન એક કાર ડિવાઇડર સાથે અથડાઈ હતી. આ અકસ્માત (Modasa Road Accident)માં કારમાં સવાર એક યુવકનું ઘટનાસ્થળે જ મોત થયું હતું. આ ઘટનાએ સ્થાનિકોમાં ભારે આક્રોશ ફેલાવ્યો હતો અને લોકો રસ્તા પર ઉતરી આવ્યા હતા.
ચક્કાજામથી વાહનવ્યવહાર ખોરવાયો
વિરોધ દરમિયાન મોટી સંખ્યામાં ગ્રામજનો અને વાહનચાલકોએ રાજેન્દ્ર નગર રોડ પર બેસીને ચક્કાજામ કર્યો હતો. તેના કારણે હાઇવે પર વાહનવ્યવહાર સંપૂર્ણપણે ઠપ્પ થઈ ગયો હતો. રસ્તાની બંને બાજુ વાહનોની લાંબી કતારો જોવા મળી હતી અને મુસાફરોને ભારે મુશ્કેલીનો સામનો કરવો પડ્યો હતો.
Modasa Road Accident: અધૂરા રોડને અકસ્માતો માટે જવાબદાર ગણાવ્યો
સ્થાનિકોનું કહેવું છે કે, હાઇવેનું કામ લાંબા સમયથી અધૂરું છે અને પૂરતી સુરક્ષા વ્યવસ્થા પણ કરવામાં આવી નથી. જેના કારણે અવારનવાર અકસ્માતો સર્જાઈ રહ્યા છે. ગ્રામજનોએ તંત્ર સામે બેદરકારીનો આક્ષેપ કરતાં જણાવ્યું કે, સમયસર રોડનું કામ પૂર્ણ થયું હોત તો અનેક અકસ્માતો (Modasa Road Accident) અટકાવી શકાયા હોત.
રોડનું કામ તાત્કાલિક પૂર્ણ કરવાની માંગ
વિરોધ પ્રદર્શન દરમિયાન ગ્રામજનોએ વહીવટી તંત્ર પાસે રોડનું કામ તાત્કાલિક પૂર્ણ કરવાની માંગ કરી હતી. સાથે જ માર્ગ પર જરૂરી સુરક્ષા વ્યવસ્થા ઉભી કરવાની પણ રજૂઆત કરવામાં આવી હતી. સ્થાનિકોએ ચીમકી આપી હતી કે, જો રોડનું કામ ઝડપથી શરૂ નહીં થાય તો તેઓ આગામી દિવસોમાં વધુ ઉગ્ર આંદોલન કરશે.
પોલીસ અને અધિકારીઓ ઘટનાસ્થળે પહોંચ્યા
ચક્કાજામની જાણ થતાં જ પોલીસ અને વહીવટી તંત્રના અધિકારીઓ ઘટનાસ્થળે પહોંચ્યા હતા. અધિકારીઓએ સ્થાનિકો સાથે ચર્ચા કરીને સ્થિતિ સામાન્ય બનાવવાના પ્રયાસો હાથ ધર્યા હતા.
આ પણ વાંચો:અરવલ્લીના તાલુકા કોંગ્રેસ પ્રમુખનું માર્ગ અકસ્માતમાં મોત
આ પણ વાંચો:અરવલ્લીમાં બે જુદાં-જુદાં માર્ગ અકસ્માતમાં પાંચના મોત
આ પણ વાંચો:અરવલ્લી જિલ્લામાં એક જ પરિવારના 3 સભ્યોનો ભયાનક અકસ્માત, થયા કરૂણ મોત
