Gujarat Rain News: ગુજરાતમાં ભારે વરસાદ (Gujarat Heavy Rain)ની સ્થિતિને ધ્યાનમાં રાખીને રાજ્યનું વહીવટી તંત્ર સંપૂર્ણ એલર્ટ મોડમાં છે. ભારે વરસાદના કારણે નીચાણવાળા વિસ્તારોમાં પાણી ભરાવાની શક્યતા અને સંભવિત જોખમને ધ્યાનમાં રાખીને લોકોને સુરક્ષિત સ્થળે ખસેડવાની કામગીરી શરૂ કરવામાં આવી છે.
રાજ્યના 7 જિલ્લામાંથી કુલ 7387 લોકોને સલામત સ્થળે સ્થળાંતર કરવામાં આવ્યા છે. આ ઉપરાંત કેટલાક વિસ્તારોમાં ફસાયેલા લોકોને રેસ્ક્યુ કરીને બહાર કાઢવાની કામગીરી પણ હાથ ધરવામાં આવી છે.
નવસારીમાં સૌથી વધુ 3179 લોકોનું સ્થળાંતર
ભારે વરસાદ (Gujarat Heavy Rain)ની સૌથી વધુ અસરગ્રસ્ત જિલ્લાઓમાં નવસારીમાં તંત્ર દ્વારા મોટા પાયે સ્થળાંતરની કામગીરી કરવામાં આવી છે.નવસારી જિલ્લામાંથી 3179 લોકોને સલામત સ્થળે ખસેડાયા છે. નીચાણવાળા વિસ્તારોમાં રહેતા લોકોને આગોતરી સાવચેતીના ભાગરૂપે આશ્રયસ્થાનોમાં પહોંચાડવામાં આવ્યા છે.
સુરત અને તાપીમાં પણ મોટી સંખ્યામાં લોકો ખસેડાયા
વરસાદી સ્થિતિને ધ્યાનમાં રાખીને અન્ય જિલ્લાઓમાં પણ તંત્ર દ્વારા કામગીરી કરવામાં આવી રહી છે.તાપી જિલ્લામાંથી 1297 લોકોનું સ્થળાંતર કરાયું છે. સુરત જિલ્લામાંથી 1432 લોકોને સુરક્ષિત સ્થળે ખસેડવામાં આવ્યા છે. સ્થાનિક તંત્ર દ્વારા લોકોને સુરક્ષિત રાખવા માટે સતત મોનિટરિંગ કરવામાં આવી રહ્યું છે.
નર્મદા અને છોટાઉદેપુરમાં રેસ્ક્યુ ઓપરેશન
ભારે વરસાદ (Gujarat Heavy Rain)ના કારણે કેટલાક વિસ્તારોમાં લોકોને મુશ્કેલીનો સામનો કરવો પડ્યો હતો.નર્મદા જિલ્લામાંથી 10 લોકોને રેસ્ક્યુ કરવામાં આવ્યા છે. છોટાઉદેપુર જિલ્લામાંથી 1 વ્યક્તિનું બચાવ કરવામાં આવ્યું છે. આપત્તિની સ્થિતિને પહોંચી વળવા માટે બચાવ ટીમો અને સ્થાનિક તંત્ર દ્વારા કામગીરી કરવામાં આવી રહી છે.
Gujarat Heavy Rain: તંત્ર દ્વારા સાવચેતીના પગલાં
ભારે વરસાદ (Gujarat Heavy Rain)ની આગાહીને પગલે રાજ્યના વિવિધ જિલ્લાઓમાં નીચાણવાળા વિસ્તારોમાંથી લોકોને ખસેડવામાં આવી રહ્યા છે. કંટ્રોલ રૂમ અને બચાવ ટીમોને સક્રિય રાખવામાં આવી છે. લોકોને બિનજરૂરી બહાર ન નીકળવા અપીલ કરવામાં આવી રહી છે. નદી-નાળા અને પાણી ભરાયેલા વિસ્તારો પાસે ન જવા સૂચના આપવામાં આવી છે.
હાલ તંત્ર દ્વારા વરસાદી સ્થિતિ પર સતત નજર રાખવામાં આવી રહી છે અને જરૂરિયાત મુજબ વધુ સ્થળાંતર અને રેસ્ક્યુ કામગીરી હાથ ધરવામાં આવશે.
આ પણ વાંચો:આણંદમાં કાંસમાં ડૂબી જતા 9 વર્ષનાં બાળકનું મોત
આ પણ વાંચો:ભારે વરસાદ વચ્ચે વલસાડ તંત્ર સજ્જ, 6 ગામોના લોકોનું સ્થળાંતર શરૂ
આ પણ વાંચો:અમદાવાદમાં મેઘરાજાની ધમાકેદાર એન્ટ્રી, ભારે પવન સાથે વરસાદ; અનેક વિસ્તારોમાં પાણી ભરાવાની શક્યતા
