Morbi News: મોરબીના રણછોડનગર વિસ્તારમાં (Ranchhodnagar Protest) પ્રાથમિક સુવિધાઓના અભાવે સ્થાનિકોમાં ફરી એકવાર ભારે રોષ ફાટી નીકળ્યો છે. વરસાદી પાણીથી રસ્તાઓની હાલત અત્યંત ખરાબ (Morbi Chakka Jam) બનતાં અને વારંવાર રજૂઆત છતાં સમસ્યાનો ઉકેલ ન આવતા સ્થાનિકોએ ચક્કાજામ કરીને તંત્ર સામે વિરોધ નોંધાવ્યો. આ વિરોધમાં કોર્પોરેટર પણ સ્થાનિકો સાથે રસ્તા પર ઉતર્યા હતા.
Ranchhodnagar Protest: પ્રાથમિક સુવિધાઓના અભાવે લોકો રસ્તા પર ઉતર્યા
રણછોડનગર વિસ્તારમાં વર્ષોથી રસ્તા, ડ્રેનેજ (Drainage Problem) અને વરસાદી પાણીના નિકાલ જેવી પ્રાથમિક સુવિધાઓનો અભાવ હોવાનો સ્થાનિકોનો આક્ષેપ છે. ભારે વરસાદ બાદ સમગ્ર વિસ્તાર કાદવ અને પાણીમાં ફેરવાઈ જતા લોકોનું દૈનિક જીવન મુશ્કેલ બન્યું છે.
વરસાદે રસ્તાઓની પોલ ખોલી
તાજેતરના વરસાદ બાદ રસ્તાઓ પર મોટા ખાડા પડી ગયા છે અને અનેક સ્થળોએ વરસાદી પાણી ભરાઈ રહેતાં વાહનચાલકો તેમજ રાહદારીઓને ભારે હાલાકીનો સામનો કરવો પડી રહ્યો છે. સ્થાનિકોના જણાવ્યા મુજબ, વારંવાર રજૂઆતો કરવા છતાં તંત્ર તરફથી કોઈ નક્કર કાર્યવાહી કરવામાં આવી નથી.
વચનો મળ્યા, કામ નહીં થતાં ફરી વિરોધ
સ્થાનિકોનું કહેવું છે કે અગાઉ પણ આ જ મુદ્દે વિરોધ પ્રદર્શન કરવામાં આવ્યું હતું અને સુવિધાઓ પૂરી પાડવાના વચનો આપવામાં આવ્યા હતા. જોકે આજદિન સુધી કોઈ અસરકારક કામગીરી શરૂ ન થતાં લોકો ફરી રસ્તા પર ઉતરવા મજબૂર બન્યા છે.
કોર્પોરેટર પણ વિરોધમાં જોડાયા
આંદોલનની વિશેષ વાત એ રહી કે સ્થાનિક કોર્પોરેટર (Morbi Corporator) પણ લોકોની સાથે ચક્કાજામમાં જોડાયા હતા. અગાઉ પણ વિસ્તારની સમસ્યાઓને લઈને કોર્પોરેટરે રાજીનામું આપ્યું હોવાનું સ્થાનિકોએ યાદ અપાવ્યું હતું. હવે લોકોએ તંત્રને તાત્કાલિક રસ્તા, ડ્રેનેજ અને અન્ય મૂળભૂત સુવિધાઓ ઉપલબ્ધ કરાવવા માંગ કરી છે, નહીં તો વધુ ઉગ્ર આંદોલનની ચીમકી ઉચ્ચારી છે.
આ પણ વાંચો: વરસાદે વિકાસકામોની પોલ ખોલી! ક્યાંક રસ્તો ધસી પડ્યો, ક્યાંક ડ્રેનેજના અભાવે ખેડૂતોમાં આક્રોશ
આ પણ વાંચો: થરામાં ટાવર પર આકાશી વીજળી ત્રાટકી, ટીવી-પંખા સહિત અનેક વીજ ઉપકરણો બળીને ખાખ
આ પણ વાંચો: ઘેટાં ચરાવતા બાળકનું તળાવમાં ડૂબી જવાથી કરુણ મોત, 3.5 કલાક બાદ મળ્યો મૃતદેહ
