US Sanctions Law Update September 2026: અમેરિકાના રાષ્ટ્રપતિ ડોનાલ્ડ ટ્રમ્પે રશિયા અને ઈરાન સામેના પ્રતિબંધોને વધુ કડક બનાવતા ‘Lindsey O. Graham Sanctioning Russia and Iran Act of 2026’ (Sanctions Bill)પર હસ્તાક્ષર કરી દીધા છે. 18 સપ્ટેમ્બરે કાયદો અમલમાં આવ્યા બાદ અમેરિકી રાષ્ટ્રપતિને રશિયન તેલ અને ગેસના મોટા ખરીદદારો સામે 100 ટકા સુધીના ટેરિફ લાદવાની સત્તા મળી છે. જોકે, તેનો અર્થ એ નથી કે ભારત અથવા ચીન પર 100 ટકા ટેરિફ તરત લાગુ થઈ ગયો છે. ટેરિફનો દર અને કયા દેશ સામે તેનો ઉપયોગ કરવો તે અંગે અંતિમ નિર્ણય અમેરિકી રાષ્ટ્રપતિ કરશે.
ભારત અને ચીન પર કેમ છે નજર?
નવા કાયદાનો મુખ્ય હેતુ રશિયા પાસેથી તેલ અને ગેસ ખરીદતા દેશો પર આર્થિક દબાણ વધારવાનો છે. રશિયાના મોટા ઊર્જા ખરીદદારોમાં ભારત અને ચીનનો સમાવેશ થાય છે. કાયદા હેઠળ આવા દેશોમાંથી અમેરિકામાં(Sanctions Bill) આવતી ચીજવસ્તુઓ પર 100 ટકા સુધીનો વધારાનો ટેરિફ લાદવાની સત્તા આપવામાં આવી છે. જો અમેરિકી પ્રશાસન ભારત પર આ સત્તાનો ઉપયોગ કરીને ઊંચો ટેરિફ લાગુ કરે છે, તો અમેરિકામાં ભારતીય ઉત્પાદનોની આયાત મોંઘી બની શકે છે. તેની અસર ભારતીય નિકાસકારો અને અમેરિકા જતા વિવિધ ઉત્પાદનોની સ્પર્ધાત્મકતા પર પડી શકે છે. જોકે, હાલ ભારત પર 100 ટકા ટેરિફ લાગુ કરવાનો કોઈ અલગ આદેશ જાહેર થયો હોવાની વાત આ કાયદાથી આપમેળે સાબિત થતી નથી.
રશિયા પર પણ કડક પ્રતિબંધો
આ કાયદો માત્ર રશિયન ઊર્જા ખરીદનારા દેશો સુધી મર્યાદિત નથી. તેમાં રશિયન અધિકારીઓ, બેંકો અને નાણાકીય સંસ્થાઓ સામે પ્રતિબંધો ઉપરાંત રશિયન(Sanctions Bill) ઊર્જાની સપ્લાય સાથે સંકળાયેલા ‘શેડો ફ્લીટ’ ટેન્કરોને નિશાન બનાવવાની જોગવાઈઓ પણ છે. ઈરાન સામેના કેટલાક અગાઉના પ્રતિબંધોને પણ વધુ સમય માટે આગળ વધારવામાં આવ્યા છે.
લિન્ડસે ગ્રેહામના નામે કાયદો
આ કાયદાનું નામ અમેરિકાના દિવંગત સેનેટર લિન્ડસે ઓ. ગ્રેહામના નામ પરથી રાખવામાં આવ્યું છે. બિલને અમેરિકી સેનેટે અગાઉ મંજૂરી આપી હતી અને 16 સપ્ટેમ્બરે હાઉસ ઓફ રિપ્રેઝન્ટેટિવ્સે(Sanctions Bill) પણ તેને પસાર કર્યું હતું. ત્યારબાદ ટ્રમ્પે તેના પર હસ્તાક્ષર(Sanctions Bill) કરીને તેને કાયદાનું સ્વરૂપ આપ્યું. હવે સૌથી મહત્વનો મુદ્દો એ છે કે ટ્રમ્પ પ્રશાસન આ નવી સત્તાનો ઉપયોગ કયા દેશો સામે અને કયા દરે કરે છે. ભારત માટે ખાસ કરીને રશિયન ક્રૂડ ઓઈલની ખરીદી અને અમેરિકામાં થતી નિકાસ પર તેની સંભવિત અસર મહત્વપૂર્ણ બની શકે છે. હાલ 100 ટકા ટેરિફ કાયદા દ્વારા મળેલી મહત્તમ સત્તા છે, ભારત પર લાગુ થયેલો ટેરિફ દર નહીં. તેથી આગામી અમેરિકી નિર્ણય પર સૌની નજર રહેશે.
આ પણ વાંચો:સાઉદી અરેબિયા હુથીઓ પર સીધો હુમલો કેમ નથી કરતું? હથિયારોની તાકાત છતાં અનેક પડકાર
આ પણ વાંચો: મક્કા નજીક હુતી ડ્રોન નષ્ટ, સાઉદી અરેબિયામાં સુરક્ષા એલર્ટ; પવિત્ર શહેરની સુરક્ષા વધારાઈ
આ પણ વાંચો:હૂતી હુમલાઓ વચ્ચે સાઉદીની એર ડિફેન્સ પર વધ્યો બોજ, સહયોગીદેશો પાસે માંગી મદદ
